မေ - ၂၂
မန္တလေးတိုင်း မြင်းခြံမြို့နယ် ကွမ်းစိုက်ကျေးရွာ စာသင်ကျောင်းမှာ တပ်စွဲထားတဲ့ စစ်အုပ်စုကို မနေ့ မေလ (၂၁)ရက်မှာ နွားထိုးကြီး PDF က ဝင်ရောက်ပစ်ခတ်ခဲ့တယ်လို့ ထုတ်ပြန်ထားပါတယ်။
စာသင်ကျောင်းရှေ့ကနေ ဆိုင်ကယ်နဲ့ ဖြတ်သန်းပြီး ပစ်ခတ်ခဲ့တာကြောင်း အပြန်အလှန် ပစ်ခတ်မှုတွေ ဖြစ်ခဲ့တယ်လို့လည်း ဆိုပါတယ်။
“ စခ တစ်ကောင်မှာ ပက်လက်လန်လဲကျ၍ ရာသက်ပန် အိပ်စက်ခိုင်းခဲ့ပါသည်။ စက တစ်ကောင်မှာလည်း လက်နက်ကြီးကျည်ဆန်ကို ပန်းပွင့်ထင်ပြီး ပြေးဖမ်းရာတွင် ပေါက်ကွဲ၍ ငရဲပြည်သို့ စားရိတ်ငြိမ်း ပို့ဆောင်ပေးခဲ့ပါသည် “ လို့ ထုတ်ပြန်ချက်မှာ ဖော်ပြထားပါတယ်။
နွားထိုးကြီး PDF ဟာ မေလ (၁၉)ရက်နေ့မှာလည်း မြင်းခြံမြို့ အထက(၂) စာသင်ကျောင်းမှာ တပ်စွဲထားတဲ့ စစ်အုပ်စုကို ဝင်ရောက်ပစ်ခတ်ခဲ့ပြီး အစောင့်စစ်သားနှစ်ယောက် သေဆုံးခဲ့ပါသေးတယ်။
ဒါဟာ နွားထိုးကြီးရွှေလက်ရဲ့ ဒုတိယအကြိမ် တိုက်ခိုက်ခဲ့တာဖြစ်ပြီး စစ်ကောင်စီအဖွဲ့ဝင်တွေ များများသေစေချင်ရင် များများ လှူကြပါလို့လည်း နွားထိုးကြီး PDF က ပြောဆိုထားပါတယ်။
Mandalay Free Press - MFP
No comments:
Post a Comment