နတ်တလင်းတွင်မြို့နယ်တွင် စစ်ကြောင်းထိုးလာသော စစ်အုပ်စုအား ပြည်သူ့ကာကွယ်ရေးတပ်ဖွဲ့က နှစ်ကြိမ်ကြားဖြတ်တိုက်ခိုက်ရာ စကစတပ်သား (၁၂) ဦးသေဆုံး
မေ ၂၁
ပဲခူးတိုင်းဒေသကြီး၊ သာယာဝတီခရိုင်၊ နတ်တလင်းမြို့နယ်၊ တောင်ညိုမြို့သစ်ကွေ့ကြီးကျေးရွာနှင့် ညောင်လေးပင်ရွာကြားတွင် စစ်ကြောင်းထိုးလာသော အကြမ်းဖက်စကစစစ်ကြောင်းအား နတ်တလင်းပြည်သူ့ကာကွယ်ရေးတပ်ဖွဲ့ MRF - Nattalin မှ မေလ ၁၃ ရက်နေ့ နံနက် ၈ နာရီအချိန်က ကြားဖြတ်တိုက်ခိုက်ခဲ့ရာ အကြမ်းဖ်စကစတပ်သား (၈) ဦးသေဆုံးခဲ့ကြောင်း သိရသည်။
ဆက်လက်၍ ယမန်နေ့ မေလ ၂၀ ရက်နေ့ ညနေ ၃ နာရီခွဲခန့်တွင်လည်း ညောင်လေးပင်နှင့် ကွေ့ကြီးကျေးရွာကြားသို့ အင်အား (၁၃) ဦးဖြင့် စစ်ကြောင်းထိုးလာသော အကြမ်းဖက်စကစတပ်အား ပဒေသာမိုင်းဖြင့် မိုင်းဆွဲတိုက်ခိုက်ခဲ့ရာ အကြမ်းဖက်စကစတပ်သား (၄) ဦးသေဆုံးပြီး (၂) ဦးဒဏ်ရာရရှိသွားကြောင်း MRF Nattalin ကထုတ်ပြန်သည်။
တိုက်ပွဲအတွင်း အကြမ်းဖက်စကစတပ်မှ လက်နက်ကြီးများဖြင့် ပြန်လည်ပစ်ခတ်ခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်း သိရသည်။
PDF Newsflash
No comments:
Post a Comment