မေလ ၂၅ ရက်။
ကချင်ပြည်နယ်၊ ဖားကန့်မြို့နယ်မှာ မေလ ၂၅ ရက်နေ့ မနက်ပိုင်းက ပျူစောထီးအဖြစ်နာမည်ကြီးနေတဲ့ ကိုတင်မော်ဆိုတဲ့သူကို အမည်မသိလက်နက်ကိုင်အဖွဲ့က သေနတ်နဲ့လာရောက်ပစ်ခတ်သွားတယ်လို့ သိရပါတယ်။
ဆန်းကြယ်ကျေးရွာမှာနေတဲ့ အသက် ၅၀ အရွယ် ကိုတင်မော်ဆိုတဲ့သူကို ဒီကနေ့ မနက် ၁၀ နာရီ ကျော်လောက်မှာ အမည်မသိလက်နက်ကိုင်အဖွဲ့က သေနတ်နဲ့လာရောက်ပစ်သတ်သွားတာလို့ ဒေသခံတွေက ပြောပါတယ်။
“ ဘယ်အဖွဲ့က လုပ်တယ်ဆိုတာတော့ မသိရသေးဘူး အပစ်ခံရတဲ့သူကတော့ သေသွားပြီ အဲ့ရွာမှာ ပြီးခဲ့တဲ့ လကလည်း တစ်ယောက်ပစ်သတ်ခံရတယ်”လို့ ဒေသခံတဦးက ပြောပါတယ်။
ဆန်းကြယ်ကျေးရွာမှာ ဧပြီလပိုင်းကလည်း ပျူစောထီးအဖွဲ့ဝင်တဦး သေနတ်နဲ့ပစ်သတ်ခံခဲ့ရတယ်လို့ ဆိုပါတယ်။
ဖားကန့်မြို့နယ်မှာ မေလ အတွင်း စစ်ကောင်စီတပ်သားတွေက စစ်ရေးလှုပ်ရှားမှုတွေပိုးများလာတာကြောင့် ကချင်လွတ်မြောက်ရေးတပ်မတော် KIA အကြာ စစ်ရေးတင်းမာမှုတွေလည်းရှိနေတယ်လို့ သိရပါတယ်။
Ayeyarwaddy Times
Reviewed by THITHTOOLWIN
on
23:46
Rating:
No comments:
Post a Comment