မြိုင်၊ မေ ၁၉၊ ၂၀၂၂။
မကွေးတိုင်း၊ မြိုင်မြို့နယ်တောင်ပိုင်းရှိ ပန်းတိုင်းတောရွာကို စစ်ကောင်စီတပ်တွေက မေလ ၁၉ ရက် ဒီမနက်ပိုင်းမှာ စတင်မီးရှို့နေတယ်လို့ ဒေသခံတွေဆီကသိရပါတယ်။
အင်အား ၆၀ နီးပါး ပါတဲ့ စစ်သားတွေဟာ ဒီမနက် ၆ နာရီလောက်ကစပြီး ရွာရဲ့အနောက်ပိုင်းဘက်ကနေ မီးစရှို့ခဲ့တာလို့ ဒေသခံတဦးက ပြောပါတယ်။
“ ရွာရဲ့အနောက်ပိုင်းဘက်ကနေ စရှို့တာ၊ အိမ်ခြေ ၁၀ လုံးလောက်တော့ပါမယ်၊ ရွာနားကိုမကပ်ရသေးဘူး၊ အဝေးကပဲလှမ်းကြည့်နေရတာ၊” လို့ ပြောပါတယ်။
လက်ရှိအချိန်ထိလည်း မီးမငြိမ်းသက်နိုင်သေးဘူးလို့ သိရပြီး၊ ဒီဖြစ်စဥ်နဲ့ပက်သက်တဲ့နောက်ဆက်တွဲ အခြေနေတွေကိုတော့ မြေလတ်အသံက ဆက်လက်စုံစမ်းနေဆဲပါ။
စစ်ကောင်စီတပ်တွေဟာ မြိုင်မြို့နယ်အတွင်းက ပိတောက်ကန်၊ ညောင်ပင်သာ၊ မြောက်ဆည် စတဲ့ ကျေးရွာတွေအပါအဝင် ကျေးရွာပေါင်း ၁၀ ရွာကျော်ကို မီးရှို့ဖျက်ဆီးခဲ့တာကြောင့် လူဦးရေ ၇ ထောင်ကျော်လည်း ဘေးလွတ်ရာကို ထွက်ပြေးတိမ်းရှောင်နေကြရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
18:39
Rating:
No comments:
Post a Comment