မန္တလေး၊ မေ ၁၀
မန္တလေးတိုင်း၊ ပုသိမ်ကြီးမြို့နယ် ဆင်ပွတ်ကြီးရွာမှ သွေးသောက်အဖွဲ့၏ ဒုခေါင်းဆောင် ၂ ဦးကိုရှင်းလင်းခဲ့ ကြောင်း မန္တလေးမဟာမိတ်တပ်ပေါင်းစုများက ယနေ့သတင်းထုတ်ပြန်သည်။
"သွေးသောက်ဆိုတာ အပြစ်မရှိတဲ့သူတွေကို သတ်တဲ့အဖွဲ့ပါ။ သူတို့ကိုရှင်းဖို့ PDF တွေက အမြဲစောင့်ကြည့်နေ တာမို့ ကိုယ့်မိသားစုကိုချစ်ရင် အလင်းဝင်ကြပါ"ဟု Ranger Of Mandalay အဖွဲ့မှ ဗိုလ်ဖီးနစ်က လူငယ့်ခေတ်သို့ ပြောသည်။
ဆင်ပွတ်ကြီးရွာမှာ ဖြိုးကျော်နှင့်မုန့်နီ ဆိုသူ ၂ ဦးကို မန္တလေး၊ လမ်း (၃၀) မြို့ပတ်လမ်းမှာ ရှင်းလင်းခဲ့ရာ နေရာမှာ ပင် သေဆုံးသွားကြောင်း သိရသည်။
ဆင်ပွတ်ကြီးသွေးသောက်အဖွဲ့သည် NLD အမတ်များကို ဖမ်းဆီးသတ်ဖြတ်ပြီး စစ်အုပ်စုက ချထားပေးသည့် လက်နက်များကို ကိုင်ဆောင်၍ ပြည်သူ့ကာကွယ်ရေးတပ်ဖွဲ့ဟုဆိုကာ လက်နက်ကိုင်ရမ်းကားနေသည့် အဖွဲ့ဖြစ် ကြောင်းလည်း တပ်ပေါင်းစုကဆိုသည်။
မန္တလေးတိုင်းတွင် သွေးသောက်အဖွဲ့ဟုဆိုကာ အကြမ်းဖက်သတ်ဖြတ်မှုကြောင့် ပြည်သူ ၇ ဦး သေဆုံးခဲ့ပြီး ဖြစ် သည်။
ထို့ပြင် ယနေ့နံနက်တွင်လည်း တံတားဦးလေဆိပ်တွင် သွေးသောက်အဖွဲ့လည်ဆွဲဖြင့် သတ်ဖြတ်ခံထားရသူ ပြည်သူ ၂ ဦး၏ ရုပ်အလောင်း စွန့်ပစ်ခံထားရပြီး မည်သူများဖြစ်ကြောင်းကိုမူ မသိရသေးပေ။
Lu Nge Khit
Reviewed by THITHTOOLWIN
on
22:08
Rating:
No comments:
Post a Comment