ရေစကြို၊ ဧပြီ ၂၈၊ ၂၀၂၂။
မကွေးတိုင်း၊ ရေစကြိုမြို့နယ်၊ ရှင်မတောင်ပေါ်ကို အင်အားဖြည့်ဖို့လာတဲ့ စစ်ကောင်စီကား ၁ စီး ဧပြီ ၂၇ ရက် မနေ့ကမနက်ပိုင်းမှာ မိုင်းဆွဲတိုက်ခိုက်ခံရတယ်လို့ သိရပါတယ်။
မနက် ၁၁ နာရီလောက်မှာတိုက်ခိုက်ခဲ့တာဖြစ်ပြီး၊ အဲ့ဒီကားပေါ်မှာ ပါလာတဲ့ စစ်သား ၁ ဦးသေဆုံးခဲ့တယ်လို့ ရေစကြို PDF မှ ရဲဘော်ဝေကြီးက ပြောပါတယ်။
“ဒီမနက် ၁၁ နာရီ ဝန်းကျင်ခန့်က အင်အားဖြည့်ရန် ရှင်မတောင်ပေါ်ကို စစ်ကား ၁ စီး တက်လာတာပါ၊ ကျနော်တို့ မိုင်း ၂ လုံးဆွဲခဲ့ပါတယ်၊ ကား မိုင်းထိပြီး စစ်သား ၁ ယောက်သေ၊ ကားကပျက်ဆီးသွားတယ်၊ သူတို့ဘက်က ဒဏ်ရာရရှိသူလည်း များတယ်ဗျ၊ သူတို့ကားမိုင်းထိပြီး သူတို့ဘက်က ရမ်းသမ်းပစ်ခတ်မှုတွေလုပ်ကြတယ်၊ “ လို့ သူကပြောပါတယ်။
ပြီးခဲ့တဲ့ ဧပြီ ၁၉ ရက်နေ့လည် ၂ နာရီလောက်မှာလည်း ရေစကြိုမြို့နယ်၊ ဇီးကုန်းရွာအနီးမှာ မိုင်း ၂ လုံးဆွဲတိုက်ခိုက်ခဲ့တာကြောင့် စစ်ကောင်စီတပ်သား ၄ ဦးသေဆုံးခဲ့တယ်လို့ ရေစကြို PDF က သတင်းထုတ်ပြန်ထားပါတယ်။
မြေလတ်အသံ - Myaelatt Athan
Reviewed by THITHTOOLWIN
on
19:53
Rating:
No comments:
Post a Comment