 |
| ဓာတ်ပုံ - The Youth Force (Saw&Kyaukhtu) |
မကွေးတိုင်း ဆောမြို့နယ်မှ ကျောက်ထုမြို့သို့ ဦးတည်ထွက်ခွာလာသည့် အကြမ်းဖက်စစ်ကောင်စီတပ်ကို ဆောပြည်သူ့ကာကွယ်ရေးတပ်(PDF)က ကြားဖြတ်တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်မှုများပြားခဲ့ကြောင်း ဆော PDFက သတင်းထုတ်ပြန် သည်။
မတ်လ ၇ရက်မှ ဆောမှ ကျောက်ထုမြို့သို့ ဦးတည်လာသည့် အင်အား ၁၅၀ကျော်ပါ စစ်ကောင်စီတပ်ကို မတ်လ ၈ရက်နှင့် ၉ရက်တို့တွင် တိုက်ခိုက်ခဲ့ရာ စစ်ကောင်စီတပ်မှ ၁၅ဦးနှင့်အထက် သေဆုံးပြီး ၁၀ဦးထက်မနည်းဒဏ်ရာရခဲ့ကြောင်း ဖော်ပြထားသည်။
“ နေရာက ကချောင်းနဲ့ ဆောအကြားမှာ ။ ကချောင်းက ဆောနဲ့ ၉မိုင်အကွာမှာရှိတဲ့ရွာ။ သူတို့ကို မိုင်းဆွဲပစ်တာပေါ့။ သူတို့က စစ်ကြောင်းထိုးနေတာ ၁၆စီးနဲ့။ အခုထိ ကံကြီးကို မရောက်သေးဘူးဆိုတော့ ကံကြီးနဲ့ ၁၈မိုင်ကွာတာကို သုံးညအိပ်ရှိပြီ။ ကျောက်ထုနဲ့ ဆောနဲ့က ၂၅မိုင်ကွာတာ။ သူတို့က ဖြေးဖြေး မိုင်းရှင်းရင်း တောတွေနင်းပြီးလာတာ ဒါတွေကိုပဲ ခြုံခိုပြီးမှ တိုက်ကြတာ”ဟု ဆော PDF အဖွဲ့တာဝန်ရှိသူတစ်ဦးက ပြောသည်။
အဆိုပါလမ်းပိုင်း၌ ယခုရက်ပိုင်းအတွင်းဖြစ်ခဲ့သည့် တိုက်ပွဲများ၌ PDFများ ထိခိုက်မှုမရှိခဲ့ကြောင်း ဆော PDFက ထုတ်ပြန်သည်။
တိုက်ပွဲများအတွင်းပြည်သူ့ရဲဘော်များ ထိခိုက်မှု တစ်စုံတစ်ရာ မရှိခဲ့ ဒေသခံများမှ "PDFများ တိုက်ပွဲတိုင်းအောင်မြင်ပါစေ" ဟူသော ကြွေးကြော်သံများနှင့်အတူ အောင်သပြေများဖြင့် ကြိုဆိုခဲ့ကြသည်ဟု PDF-SAW က အသိပေးသည်။
လက်ရှိတွင် စစ်ကောင်စီတပ်များသည် ဆောနှင့် (၁၂) မိုင်ခန့်အကွာဒေသသို့ ရောက်ရှိနေသည်ဟု ဆိုသည်။
People's Spring
Reviewed by THITHTOOLWIN
on
04:02
Rating:
No comments:
Post a Comment