မုံရွာ၊ မတ် ၂၊ ၂၀၂၂။
မုံရွာက စစ်ကောင်စီတပ်တွေရဲ့ ကင်းတဲတခုမှာ မတ်လ ၂ ရက် ဒီနေ့ညနေ ၆ နာရီက ဗုံးပေါက်ကွဲခဲ့တယ်လို့ သိရပါတယ်။
စစ်သားနဲ့ရဲတပ်သားတွေပေါင်းပြီး ကင်းစောင့်နေတဲ့ စစ်ကိုင်းတိုင်း၊ မုံရွာမြို့ပေါ်ရှိ ရေကူးကန်လမ်းဆုံမီးပွိုင့်က ဝတ်ကျင်းကင်းတဲတခုကို ဗုံးတလုံးနဲ့ ဖောက်ခွဲတိုက်ခိုက်ခဲ့တာဖြစ်ပြီ:၊ ခုလိုလုပ်ဆောင်တာဟာလည်း ကျဆုံးသွားတဲ့ ရဲဘော်တွေအတွက် သွေးကြွေးဆပ်တဲ့အနေနဲ့လုပ်တာလို့ Unity Force Monywa မှ ဗိုလ်အောက်ဆွဲ ကပြောပါတယ်။
“ ညနေ ၆ နာရီကျော်မှာလုပ်ခဲ့တာပါ၊ သူတို့ဘက်က ကျဆုံးမှုကမသိရသေးပါဘူး၊ မောင်းပစ် ပစ်ရတာကြောင့်ပါ၊ ကျဆုံးသွားတဲ့ရဲဘော်တွေအတွက် သွေးကြွေးဆပ်တဲ့အနေနဲ့ပြုလုပ်ရတာပါ၊ “ လို့ ပြောပါတယ်။
Unity Force Monywa – UFM နဲ့ F.F.P အဖွဲ့ တို့က ပူးပေါင်းလုပ်ဆောင်ခဲ့တာဖြစ်ပြီး၊ ပြီးခဲ့တဲ့ ဖေဖော်ဝါရီ ၂၈ ရက်ကလည်း မုံရွာမြို့ရှိ အာဇာနည်းလမ်း၊ ရန်ကင်းမီးပွိုင့်နဲ့ မြို့ပါတ်လမ်းဆုံးတို့မှာ အသံမိုင်းတွေနဲ့ ဖောက်ခွဲခဲ့တယ်လို့ UFM က သတင်းထုတ်ပြန်ထားပါသေးတယ်။
မြေလတ်အသံ - Myaelatt Athan
Reviewed by THITHTOOLWIN
on
23:49
Rating:
No comments:
Post a Comment