လောင်းရှည်၊ မတ် ၃၊ ၂၀၂၂။
မကွေးတိုင်း၊ လောင်းရှည်မြို့နယ်အတွင်း စစ်ကြောင်းထိုးဖို့လာတဲ့ စစ်အုပ်စုယာဉ်တန်း PDF ထောင်ထားတဲ့ နင်းမိုက်တိုက်မိုင်းတွေ မိပြီး အပြန်အလှန် ၈နာရီနီးပါး တိုက်ပွဲဖြစ်ခဲ့တယ်လို့ သိရပါတယ်။
ဒီနေ့မနက် ၉နာရီအချိန်မှာ လောင်းရှည်မြို့နယ်၊ တောင်ဘို့ကြီးကျေးရွာအနီးမှာ စစ်ကောင်စီဘက်က မိုင်း၂လုံးထိပြီး စစ်ကောင်စီဘက်က ထိခိုက်သူများပြားနိုင်တယ်လို့ လောင်းရှည်PDF တာဝန်ခံက ပြောပါတယ်။
" အဲလိုမိုင်းထိပြီး သူတို့ဘက်ကလည်းလက်နက်ကြီး လက်နက်ငယ်တွေနဲ့တောင်ကြောတလျှောက် လိုက်ပစ်ကြတယ်၊အရှေ့ဘက်တောင်ကြောပေါ်ကအဖွဲ့ကလက်နက်ကြီးတွေ နဲ့သူတို့ရှိတဲ့ကားလမ်းဘက်ကိုလှမ်းထုပါတယ်၊တိုက်ပွဲအချိန်ကတော်တော်ကြာပါတယ်" လို့ ပြောပါတယ်။
တိုက်ပွဲကြာချိန် ၈နာရီနီးပါးကြာမြင့်ခဲ့ပြီး PDF ဘက်ကလည်း လက်နက်ကြီးနဲ့ ၁၃ချက်နီးပါး ပြန်ပစ်နိုင်ခဲ့တယ်လို့ သိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
23:25
Rating:
No comments:
Post a Comment