တနင်္သာရီတိုင်းမ်၊ မတ် ၁၂
မိုင်းခွဲဖျက်ဆီးခံရတဲ့ Mytel တာဝါတိုင်ကို လာရောက်စစ်ဆေးတဲ့ စစ်ကောင်စီလက်အောက်ခံရဲတပ်ဖွဲ့ဝင်တွေ ဒီနေ့မနက်ပိုင်းက ပစ်ခတ်တိုက်ခိုက်ခံခဲ့ရတယ်လို့ သိရပါတယ်။
မတ်လ ၁၁ ရက်ညက ထားဝယ်ခရိုင်၊ ရေဖြူမြို့နယ်၊ ဧကနိရွာမှာရှိတဲ့ Mytel တာဝါတိုင်မိုင်းခွဲဖျက်ဆီးခံခဲ့ရတယ်လို့ ဒေသခံတွေထံကသိရပါတယ်။
မတ်လ ၁၂ ရက်နေ့ နံနက် ၁၁ နာရီဝန်းကျင်မှာ တာဝါတိုင်ကိုစစ်ဆေးပြီးပြန်လာတဲ့ ရဲတပ်ဖွဲ့ဝင်တွေစီးလာတဲ့ကားကို ဝက်ချောင်းရွာအနီးမှာမိုင်း ၄ လုံး နဲ့ဖောက်ခွဲတိုက်ခိုက်ခဲ့ပြီး ၁၀ မိနစ်ဝန်းကျင်အကြာ အပြန်အလှန်ပစ်ခတ်မှုဖြစ်ပွားခဲ့တယ်လို့ ရေဖြူမြို့နယ်ပြည်သူ့ကာကွယ်ရေးတပ်ဖွဲ့ကထုတ်ပြန်ထားပါတယ်။ပစ်ခတ်ခံခဲ့ရပြီး ဒဏ်ရာရသူတွေရှိခဲ့တယ်လို့ဆိုပါတယ်။
"လေးငါးယောက်လောက်ဒဏ်ရာရတယ်လို့သိရတယ်" လို့ ဒေသခံတစ်ဦးကပြောပါတယ်။ သေဆုံးမှုရှိမရှိကိုတော့ အတည်မပြုနိုင်သေးပါဘူး။
ဒီလုပ်ဆောင်မှာကို ရေဖြူမြို့နယ်ပြည်သူ့ကာကွယ်ရေးတပ်ဖွဲ့နဲ့ ညီနောင်ဒေသခံကာကွယ်ရေးတပ်ဖွဲ့တို့ပူးပေါင်းလုပ်ဆောင်ခဲ့တာဖြစ်တယ်လို့ထုတ်ပြန်ထားပါတယ်။
ဒီနေ့ ညနေ ၃ နာရီခွဲဝန်းကျင်ကလည်း ရေဖြူတံတားအနီးဗုံးတစ်လုံးပေါက်ကွဲခဲ့ပြီးထိခိုက်ဒဏ်ရာရသူမရှိခဲ့ဘူးလို့ ဒေသခံတွေထံကသိရပါတယ်။
The Tanintharyi Times
Reviewed by THITHTOOLWIN
on
03:47
Rating:
No comments:
Post a Comment