မဲခေါင်၊ မတ် ၂၄
ကရင်ပြည်နယ်၊ မြဝတီမြို့နယ်၊ နို့ဖိုး- ထီးမူးထာ ကျေးရွာအတွင်း နေအိမ်ပေါ်သို့ စစ်ကောင်စီဘက်မှ ပစ်ခတ်လိုက်သည့် လက်နက်ကြီး နေအိမ်တခု ပေါ်သို့ ယနေ့မနက်ပိုင်းတွင် ကျရောက်ခဲ့ပြီးနောက် ဆယ်ကျော်သက် (၁၇ နှစ်) အမျိုးသမီး သေဆုံးခဲ့ပြီး ၃ ဦး ဒဏ်ရာရရှိခဲ့သည်။
ကရင်အမျိုးသားလွတ်မြောက်ရေးတပ်မတော် ( KNLA) နှင့်ဖြစ်ပွားနေသည့် တိုက်ပွဲအတွင်း စစ်ကောင်စီက ယနေ့နံနက် ၅ နာရီကျော်တွင် ပစ်ခတ်ခဲ့ခြင်းဖြစ်ပြီး သေဆုံးခဲ့သည့် အမျိုးသမီးအပြင် ဒဏ်ရာရရှိသူ အမျိုးသမီးမှာလည်း ဆေးရုံ၊ ဆေးခန်းအခြေအနေများကြောင့် စိုးရိမ်ရသည့် အနေအထားတွင် ရှိနေသည်။
စစ်ကောင်စီဘက်မှ ၁၂၀ မမဖြင့် ၆ ကြိမ် ရွာအတွင်းသို့ ပစ်ခတ်ခဲ့ခြင်းဖြစ်ပြီး ဒဏ်ရာရရှိသည့် ၃ ဦးမှာလည်း စိုးရိမ်ရသည့်အနေအထားတွင် ရှိသည်ဟု ဒေသတွင်းသတင်းများဖော်ပြနေသည့် KIC သတင်းတွင် ဖော်ပြသည်။
ယနေ့နံနက်ပစ်ခတ်ခဲ့သော လက်နက်ကြီးများမှာ သင်္ဃန်းညီနောင်ကျေးရွာရှိ စစ်ကောင်စီ စကခ ၁၂ လက်အောက်ခံ ခမရ ၃၅၅ မှ ပစ်ခတ်တိုက်ခိုက်ခဲ့ခြင်းဖြစ်သည်။
MeKong News - မဲခေါင်သတင်း
Reviewed by THITHTOOLWIN
on
20:20
Rating:
No comments:
Post a Comment