 |
| ဓာတ်ပုံ - ဦးမင်းမင်း |
တနင်္သာရီတိုင်းမ် ၊ မတ် ၂၃
နဘုလယ်ဒေသက ပျူစောထီးအဖွဲ့ခေါင်းဆောင်လို့နာမည်ကြီးသူရဲ့နေအိမ် ဒီနေ့ညနေ ၆နာရီဝန်းကျင်က မီးရှို့ခံခဲ့ရတယ်လို့ ဒေသခံတွေထံကသိရပါတယ်။
မီးရှို့ခံရတဲ့နေအိမ်ဟာထားဝယ်ခရိုင်၊ ရေဖြူမြို့နယ်၊နဘုလယ်ဒေသ ၊ပရဒတ်ကျေးရွာက ပျူစောထီးအဖွဲ့ခေါင်းဆောင်ဆိုသူ ဦးမင်းမင်း(ခ)မင်းဘာလီရဲ့ နေအိမ်ဖြစ်တယ်လို့ဆိုပါတယ်။
ဦးမင်းမင်းဟာ ပရဒတ်ရွာက စစ်ကောင်စီခန့်အုပ်ချုပ်ရေးမှူးလည်းဖြစ်တယ်လို့သိရပါတယ်။
"သူက အိမ်မှာတော့မရှိတော့ဘူး။ သူ့အိမ်မီးလောင်တော့ ဘယ်သူမှမီးဝင်ငြိမ်းမပေးရဲဘူးလေ။ သူကခြံဝင်းထဲမှာမိုင်းထောင်ထားတယ်လို့ ရွာထဲမှာသတင်းလွှင့်ထားတာကိုး" လို့ ရွာခံတစ်ဦးကပြောပါတယ်။
သူဟာစစ်တပ်နဲ့ပေါင်းပြီး ရွာခံတွေဆီကငွေညှစ်တာ၊ စက်လှေပိုင်ရှင်တွေဆီက မတရားငွေကြေးတောင်းခံတာတွေကို သူဦးဆောင်ပြုလုပ်နေသူဖြစ်တယ်လို့ဒေသခံတွေကဆိုပါတယ်။
လွန်ခဲ့တဲ့ ၁၀ရက်ခန့်ကလည်း နဘုလယ်ဒေသ၊ထိန်ကြီးကျေးရွာမှာ ပျူစောထီးအဖွဲ့ဝင် ဦးညဏ်ရီ သေနတ်နဲ့ပစ်သတ်ခံခဲ့ရပြီး သေဆုံးခဲ့တဲ့ဖြစ်စဥ် ဖြစ်ပွားခဲ့ဖူးပါတယ်။
The Tanintharyi Times
Reviewed by THITHTOOLWIN
on
20:30
Rating:
No comments:
Post a Comment