ပေါက်၊ မတ် ၁၄၊ ၂၀၂၂။
မကွေးတိုင်း၊ ပေါက်မြို့နယ်၊ သီးခြောက်ရွာက နာမည်ကြီးပျူစောထီး ဒလန်အကြီးစားဆိုသူ အောင်အောင်(ခ) ငအောင်ကို ပခုက္ကူ PDF ၂ ဖွဲ့က မတ်လ ၁၃ ရက်နေ့က သေနတ်နဲ့ ပစ်သတ်၍ရှင်းခဲ့တယ်လို့ Pakokku Revolution Front တာဝန်ခံက မြေလတ်အသံကို ပြောပါတယ်။
"မနေ့က မနက် ၉ နာရီလောက်ကဝင်ရှင်းခဲ့တာဗျ။ သူ့ရဲ့ရွာမှာပဲ ရှင်းခဲ့တာ သူ့ကိုအတိုနဲ့ပစ်ခဲ့တာ။ ကျနော်တို့ ရမ်းသမ်းပြီးတော့မလုပ်ပါဘူး။ သတင်းခိုင်လုံမှလုပ်တာပါ။ သူ့ကပျူဒလန်ပါ စစ်တပ်နဲ့လည်းအဆက်အသွယ်ရှိတယ်။ သူ့ကြောင့်သီးခြောက်ရွာထဲက ပြည်သူတွေဒုက္ခရောက်တာရှိတယ်။သတင်းခိုင်လုံတဲ့အတွက်ကြောင့် သွားပြီးသူ့ကိုရှင်းခဲ့ရတာ၊ ၂ ချက်ပစ်သတ်ခဲ့တာ" လို့ Pakokku Revolution Front တာဝန်ခံက ပြောပါတယ်။
ပေါက်မြို့နယ်၊ သီးခြောက်ရွာက နာမည်ကြီးပျူစောထီး ဒလန်အကြီးစားဆိုသူ အောင်အောင်(ခ) ငအောင်ကို ပခုက္ကူတော်လှန်ရေး တပ်ဦး (P.R.F)နဲ့ Pakokku Generation Z တို့ ပါဝင်တဲ့ မဟာမိတ်ညီနောင်နှစ်ဖွဲ့ကသေနတ်နဲ့ ပစ်သတ်ရှင်းခဲ့တာဖြစ်ပါတယ်။
မြေလတ်အသံ - Myaelatt Athan
Reviewed by THITHTOOLWIN
on
00:27
Rating:
No comments:
Post a Comment