အင်းတော်၊ မတ် ၅၊ ၂၀၂၂။
အင်းတော်မြို့နယ်အတွင်းမှာ မတ်လ ၅ ရက် ဒီနေ့မနက်အစောပိုင်းက စစ်ကောင်စီယာဥ်တန်း ၂၇ စီး မိုင်းဆွဲတိုက်ခိုက်ခံရတယ်လို့ သိရပါတယ်။
ထီးချိုင့်မြို့ဘက်က ထွက်လာတဲ့ အဲ့ဒီကားတွေကို ဒီမနက် ၆ နာရီလောက်က စစ်ကိုင်းတိုင်း၊ အင်းတော်မြို့နယ်၊ မော်လူးမြို့နဲ့ နဘားကျေးရွာအကြားမှာ မိုင်း ၂ လုံးနဲ့ တိုက်ခိုက်ခဲ့ပြီး ဆက်တိုက်ဆိုသလို လက်နက်ကြီးတွေနဲ့ ထပ်မံတိုက်ခိုက်ခဲ့တာလို့ အင်းတော် PDF တာဝန်ခံက ပြောပါတယ်။
"အင်အားက လုံခြုံရေးအဖွဲ့တွေ တော်တော်များတယ်၊ အရေအတွက်တော့ မသိရဘူး၊ မော်လူးနဲ့ နဘားရွာကြားမှာ မိုင်း ၂ လုံးဆွဲပြီး လက်နက်ကြီးနဲ့ ကြားဖြတ်တိုက်ခိုက်ခဲ့တာပါ၊ ၂၇ စီးပါလာတယ်၊ ကားတစီးကပျက်စီးသွားတော့ ၂၆ စီးပဲ အထက်ကို တက်သွားကြတယ်၊"လို့ သူကပြောပါတယ်။
KIA၊ အင်းတော် PDF - I.PDF၊ ပကဖ နဲ့ Indaw Tiger Army ပူးပေါင်းတပ်ဖွဲ့တွေက တိုက်ခိုက်ခဲ့တာဖြစ်ပြီး၊ ဒီတိုက်ခိုက်မှုကြောင့် စစ်ကောင်စီဘက်က ၂၅ ဦးသေဆုံးခဲ့တယ်လို့ သိရပေမယ့် မြေလတ်အသံက သီးခြားအတည်ပြုနိုင်ခြင်းမရှိသေးပါတယ်။
ပြီးခဲ့တဲ့ မတ်လ ၃ ရက်ကလည်း လုံခြုံရေးယူလာတဲ့ စစ်ကောင်စီအဖွဲ့ကို အင်းတော်နဲ့ မော်လူးကြားမှာ ၄ နေရာခွဲတိုက်ခိုက်ခဲ့လို့ စစ်သား ၈ ဦးသေဆုံးခဲ့တယ်လို့လည်း အင်းတော် PDF ကသတင်းထုတ်ပြန်ထားပါတယ်။
မြေလတ်အသံ - Myaelatt Athan
Reviewed by THITHTOOLWIN
on
22:14
Rating:
No comments:
Post a Comment