(မတ် ၁၆)
သန်လျင်မြို့နယ် ပြည်သူ့ကာကွယ်ရေးတပ်ဖွဲ့(ပကဖ) မှ သန်လျင်မြို့နှင့် ခရမ်းမြို့ကြားရှိ ဖားကူးကျေးရွာ ဖားကူးရဲစခန်းအား ယနေ့မနက် ၂ နာရီအချိန်က ဝင်ရောက်ပစ်ခတ်တိုက်ခိုက်ခဲ့ကြောင်း သိရပါသည်။
သန်လျင် ပကဖ မှ ဝင်ရောက်ပစ်ခတ်တိုက်ခိုက်ခဲ့ကာ ဖားကူးရဲစခန်းအတွင်းရှိ စစ်ကောင်စီတပ်ဖွဲ့ဝင်များက ပြန်လည်ပစ်ခတ်ခဲ့မှုကြောင့် နှစ်ဦးနှစ်ဖက် အပြန်အလှန် ပစ်ခတ်မှုများဖြစ်ပွားခဲ့ကြောင်း သိရပါသည်။ သန်လျင် ပကဖ မှ ဖားကူးရဲစခန်းအား လျင်မြန်စွာ ဝင်ရောက်တိုက်ခိုက်ခဲ့ပြီး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း ပကဖ တာဝန်ရှိသူတစ်ဦးက ပြောကြားခဲ့ပါသည်။
`သန်လျင်နဲ့ ခရမ်းကြားမှာရှိတဲ့ ဖားကူးရဲစခန်းကို ဒီနေ့မနက် ၂ နာရီလောက်က ဝင်ပစ်တယ်၊ ရဲစခန်းထဲမှာရှိတဲ့ စခ ရခ တွေကလည်း ပြန်ပစ်တယ်၊ အပြန်အလှန်ပစ်ခတ်မှုဖြစ်ပွားခဲ့ပါတယ်။ သန်လျင် ပကဖ ဘက်က ရဲဘော်တွေ ထိခိုက်မှုလုံးဝမရှိဘဲ အလျင်အမြန် ပြန်ဆုတ်လာနိုင်ခဲ့ပါတယ်၊ ရန်သူဘက် ထိခိုက်မှုကိုတော့ မသိရသေးပါဘူး´ ဟု ၎င်း ကပြောသည်။
ထိုဖြစ်စဥ်ကြောင့် စစ်ကောင်စီဘက် ထိခိုက်မှုအခြေအနေအသေးစိတ်ကို မသိရှိရသေးကြောင်း၊ ဆက်လက်စုံစမ်းနေလျက်ရှိကြောင်း ဒေသသတင်းရင်းမြစ်ထံမှ သိရပါသည်။
Khayan Channel
Reviewed by THITHTOOLWIN
on
19:28
Rating:
No comments:
Post a Comment