ကနီမြို့နယ်အတွင်း ပြည်သူ့ကာကွယ်ရေးမဟာမိတ်များတိုက်ခိုက်မှုကြောင့် ဒဏ်ရာရသွားသည့် တပ်မတော်အရာရှိအချို့ကို ယနေ့နေ့လယ်တွင် စစ်ကောင်စီက ရဟတ်ယာဉ်ဖြင့် လာရောက်သယ် ဆောင်သွားသည်။
"အရင်ရက်တိုက်ပွဲတွေမှာ ဒဏ်ရာရတဲ့သူတွေ။ ဗိုလ်အဆင့်အရာရှိတွေ ဒဏ်ရာရထားတယ်။ သူတို့ကို ရဟတ်ယာဉ်နဲ့ လာသယ်သွားတယ်"ဟု ကနီပြည်သူ့ကာကွယ်ရေးအဖွဲ့မှ လူငယ်တစ်ဦးက ပြောသည်။
ကနီမြို့နယ် ဆယ်ရွာဒေသအပါအဝင် ကျေးရွာအချို့တွင် ဖေဖော်ဝါရီ ၂၀ရက်ကစ၍ အကြမ်းဖက်စစ်ကောင်နှင့် ပြည်သူ့ကာကွယ်ရေးမဟာမိတ်တပ်များ တိုက်ပွဲဖြစ်ပွားခဲ့ပြီး စစ်ကောင်စီအထိနာခဲ့သည်။
ဖေဖော်ဝါရီ၂၀ရက်က တိုက်ပွဲတွင် စစ်ကောင်စီနှင့်ပျုစောထီး ၁၅ဦးထက်မနည်းသေဆုံးပြီး အများအပြားဒဏ်ရာရသွားခဲ့သည်ဟု ကနီမြို့နယ်ပြည်သူ့ကာကွယ်လရေးတပ်ဖွဲ့ (၂) KPDF-2က ထုတ်ပြန်ထားသည်။
ဒဏ်ရာရသူများကို ပန်းဆိုင်းကျေးရွာ ဘုန်းကြီး ကျောင်းအတွင်း တပ်စွဲ၍ ဆေးကုသကာ ယနေ့ (ဖေဖော်ဝါရီ ၂၄ရက်)နေ့လယ် ၂နာရီခန့်တွင် ရဟတ်ယာဉ်ဖြင့် လာသယ်သွားခြင်းဖြစ်သည်။
" ဒဏ်ရာရသူဘယ်လောက်တောင်များတယ်မသိဘူး ပန်းဆိုင်းကျောင်းထဲ သွေးတွေကို ရဲနေတာပဲ။ ဆေးထိုးအပ်တွေလည်း တွေ့တယ်"ဟု ဒေသခံတစ်ဦးက ပြောသည်။
ပန်းဆိုင်းရွာအတွင်း ဝင်မွှေခဲ့သည့် စစ်ကောင်စီက အရပ်သားနှစ်ဦးနှင့်ပြည်သူ့ကာကွယ်ရေးအဖွဲ့မှ လူငယ်တစ်ဦးကို သတ်ဖြတ်သွားသည်ဟု ဒေသခံများက ပြောသည်။
အကြမ်းဖက်စစ်ကောင်စီသည် ကနီနှင့် မင်ကင်းဒေသသို့ လွန်ခဲ့သည့် တစ်ပတ်ခန့်ကတည်းက တစ်ကျော့ပြန် စစ်ကြောင်းထိုးနေ၍ ဒေသခံများ ဘေးလွတ်ရာ ထွက်ပြေးတိမ်းရှောင်နေရဆဲဖြစ်သည်။
People's Spring
No comments:
Post a Comment