ဝမ်းတွင်းမြို့နယ်အတွင်း တောင်သူများထံ ချေးငွေ ပြန်တောင်းနေသည့် စိုက်/ဘဏ် ဝန်ထမ်းများအားလုံးကို WTRF က သတိပေး

စစ်တပ်၏ အာဏာသိမ်းခံထားရမှုကြောင့် စီးပွားရေးအဆင်မပြေမှုများနှင့် ရင်ဆိုင်လာရသည့် ဝမ်းတွင်းမြို့နယ်အတွင်းမှ  တောင်သူများအပေါ် စိုက်/ဘဏ်က ချေးငွေများ ပြန်လည်ပေးတောင်းနေမှုနှင့် ပတ်သက်၍ ဝမ်းတွင်းမြို့နယ်ဒေသခံပြည်သူ့ကွယ်ရေးအင်အားစု(WTRF)က စိုက်/ဘဏ်ဝန်ထမ်းများကို ယနေ့ ၂၀၂၂ခုနှစ် ဇန်နဝါရီလ(၂၃)ရက်နေ့တွင် သတိပေးစာ ထုတ်ပြန်လာသည်။

ပြည်သူများအပေါ် ယခုလို လုပ်ဆောင်ချက်များသည် မလျော်ကန် မလုပ်သင့် မလုပ်ထိုက်သည့်အတွက် အကြမ်းဖက် စစ်ကောင်စီ အာဏာ ဆက်လက်တည်မြဲစေရန် လုပ်ဆောင်ပေးနေသော မြို့နယ်စိုက်/ဘဏ်၀န်ထမ်းများ၊ ရပ်ကျေးဘဏ်ဥက္ကဋ္ဌများ၊ အတွင်းရေးမှူးများ အနေဖြင့် အဆိုပါ လုပ်ဆောင်ချက်ကို ချက်ချင်းရပ်တန့်ရန်   နောက်ဆုံးအနေဖြင့် အသိပေးသည်ဟု ထုတ်ပြန်ထားရှိသည်။

တောင်သူများထံမှ ချေးငွေပြန်တောင်းနေသည့် စိုက်ဘဏ်မှ မည်သူကိုမဆို  သုတ်သင်၊ ရှင်းလင်းသွားမည်ဖြစ်ဖြစ်သည့်အတွက် ပြန်တောင်းသူ၊ စေခိုင်းသူများ၏ အမည်၊ လိပ်စာနှင့် ပုံများ ပေးပို့၍ တိုင်ကြားနိုင်ကြောင်း  Wundwin Township Revolution Force (WTRF)က အသိပေးထားရှိသည်။

Tachileik News Agency