တနင်္သာရီတိုင်းမ်၊ ဇန်နဝါရီ ၁၀
မြိတ်ခရိုင်၊ တနင်္သာရီမြို့နယ်က တကူရွာမှာ ဒီနေ့ညနေက စစ်ကောင်စီတပ်တွေနဲ့ PDFတပ်တွေအပြန်အလှန်ပစ်ခတ်မှုဖြစ်ပွားခဲ့တယ်လို့ ဒေသခံတွေထံကသိရပါတယ်။
ဒီနေ့ ညနေ ၅ နာရီ ၁၅ မိနစ်မှာ တကူသံတိုက်ကမ်းနားက အကြမ်းဖက်စစ်ကောင်စီတပ်သားတွေနဲ့ တနင်္သာရီမြစ်တစ်ဖက်ကမ်းက PDF တပ်သားတွေ တိုက်ပွဲ ဆယ်မိနစ်ဝန်းကျင်ကြာ ဖြစ်ပွားခဲ့တယ်လို့သိရပါတယ်။
နှစ်ဖက်အပြန်အလှန်ပစ်ခတ်မှုကြောင့် စစ်ကောင်စီတပ်ဘက်က နှစ်ဦးဒဏ်ရာရရှိခဲ့တယ်လို့ ကနဦးသိရပါတယ်။
နှစ်ဖက်အပြန်အလှန်ပစ်ခတ်တိုက်ခိုက်မှုမှာ စစ်ကောင်စီဘက်က လက်နက်ကြီး ၆ ချက်ပစ်ခတ်ခဲ့တယ်လို့ တကူဒေသခံတစ်ဦးကပြောပါတယ်။
တကူရွာမှာ ဒီနေ့ မွန့်လွဲ တစ်နာရီခွဲဝန်းကျင်က ကင်းထောက်လေယာဥ်တစ်စီးလည်းပျံဝဲခဲ့တယ်လို့ဆိုပါတယ်။
အကြမ်းဖက်စစ်ကောင်စီတပ်တွေဟာ ပြီးခဲ့တဲ့ရက်ပိုင်းအတွင်း တကူရွာမှာ ရွာသားတွေကိုဖမ်းပြီး လူသားဒိုင်းပုံစံအသုံးပြုကာ PDF တွေကိုတောနင်းရှာဖွေတာတွေ၊ ဥယျာဥ်ခြံတွေထဲက တဲအိမ်တွေကိုဖျက်ဆီးတာတွေလုပ်ဆောင်ခဲ့ပါတယ်။
The Tanintharyi Times
Reviewed by THITHTOOLWIN
on
23:30
Rating:
No comments:
Post a Comment