ပုံစာ- KSCCမှ ထုတ်ပြန်ထားသည့် ဗုံးခိုကျင်းတူးရမည့် အချက်လက်များ |
ကယား၊ ဇန်နဝါရီ ၁၇
ကရင်နီပြည်သူလူထုအနေဖြင့် လေကြောင်းတိုက်ခိုက်မှုရန်ကို ကာကွယ်နိုင်ရေးအတွက် ဗုံးခိုကျင်းများ အမြန်ဆုံး တူးထားကြရန် ကရင်နီပြည်နယ်အတိုပင်ခံကောင်စီ KSCC က အရေးပေါ်ကြေညာချက်ကို ယနေ့ (ဇန်နဝါရီ ၁၇) ထုတ်ပြန်သည်။
အကြမ်းဖက်အာဏာသိမ်းစစ်ကောင်စီက ယနေ့ နံနက်ပိုင်းတွင် ကရင်နီပြည်နယ်အတွင်းရှိ စစ်ရှောင်စခန်းတစ်ခု ကို လေကြောင်းမှ ဗုံးကြဲတိုက်ခိုက်ခဲ့ရာ ကလေးနှစ်ဦးအပါအဝင် အရပ်သားပြည်သူ ၃ ဦးသေဆုံးခဲ့ပြီးနောက် KSCC က ယခုကဲ့သို့ ထုတ်ပြန်လာခြင်းဖြစ်သည်။
ထိုပြင် လေကြောင်းမှ အချိန်တိုင်း တစ်တိုင်းပြည်လုံးအတိုင်းအတားဖြင့် ပျံသန်းနေပြီး ကရင်နီပြည်နယ်တွင်း နေရာဒေသအနှံ့ပြားကိုလည်း ပျံသန်းနေကာဆက်လက်တိုက်ခိုက်မည်ကို စိုးရိမ်ဖွယ်ရာတွေ့ရှိနေရကြောင်း ထုတ်ပြန်ချက်တွင် ဖော်ပြထားသည်။
ကရင်နီပြည်နယ်တွင် အကြမ်းဖက်စစ်ကောင်စီတပ်များနှင့် တော်လှန်ရေးတပ်များအကြား တိုက်ပွဲပြင်းထန်နေပြီး စစ်ကောင်စီဘက်မှ လက်နက်ကြီးဖြင့် ပစ်ခတ်ခြင်း လေကြောင်းမှ တိုက်ခိုက်ခြင်းများကို ဇန်နဝါရီလတွင် ပိုမိုပြုလုပ်လာကြောင်း သိရသည်။
Lu Nge Khit
No comments:
Post a Comment