ကရင်နီ(ကယား)ပြည်နယ် လွိုင်ကော်မြို့ပေါ်ရှိ ခရိုင်ရဲတပ်ဖွဲ့ရုံး၌ ကင်းပုန်းဝတ်နေသော စစ်ကောင်စီတပ်ကို ကရင်နီတော်လှန်ရေးတပ်ပူးပေါင်းအဖွဲ့က ယမန်နေ့ညပိုင်းက တိုက်ခိုက်ခဲ့ရာ စစ်ကောင်စီတပ်မှ ခြောက်ဦးသေဆုံးခဲ့သည်ဟု ကရင်နီ ဒီမိုကရက်တစ်တပ်ဦး(KDF)က ထုတ်ပြန် သည်။
KDF၊နှင့် GZ-21(Liokaw) တို့ပူးပေါင်း၍ လွိုင်ကော်မြို့ ဒေါဥခူရပ်ကွက်ရှိ ခရိုင်ရဲရုံးကို ဇန်နဝါရီ လ၁၄ရက်နေ့ ည၁၂နာရီကျော်တွင် ဝင်ရောက်တိုက်ခိုက်ရာ မိနစ် ၂၀ ကြာတိုက်ပွဲဖြစ်ခဲ့ပြီး စစ်ကောင်စီတပ်မှ ခြောက်ဦးသေ၊ အချို့ ဒဏ်ရာရခဲ့ဟု ဖော်ပြသည်။
တိုက်ပွဲအတွင်း မြို့ပြပျောက်ကျား ညီနောင်အဖွဲ့မှ တစ်စုံတစ်ရာ ဒဏ်ရာရရှိခဲ့ခြင်းမရှိဘဲ အောင်မြင်စွာတိုက်ထုတ်ပြီး ပြန်လည်ဆုတ်ခွာနိုင်ခဲ့သည်ဟု ဆိုသည်။
လက်ရှိမြို့တွင်း၌ ပြည်သူများ နေအိမ်များစွန့်ခွာထွက်ပြေးနေချိန် ကို အခွင့်ကောင်းယူ ပြီး ခိုးဆိုးလုယှက်နေကြသောစစ်ကောင်စီနှင့်အပေါင်းအပါများကို နောက်ဆုံးအကြိမ် သတိပေးကြောင်းလည်း KDFက ထုတ်ပြန်သည်။
KDFသည် အခြားသော တော်လှန်ရေးအင်အားစုများဖြစ်သည့် ကရင်နီဒေသရှိ ပြည်သူ့ကာကွယ်ရေးတပ်ဖွဲ့(PDF)၊ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ်(KNDF) တို့နှင့် ပူးပေါင်းပြီးလည်း စစ်ကောင်စီတပ်ကို ခုခံတိုက်ခိုက် နေသည့် အဖွဲ့ဖြစ်သည်။
People's Spring
Reviewed by THITHTOOLWIN
on
20:03
Rating:
No comments:
Post a Comment