ဇန်နဝါရီ ၁၇ ရက်၊ ၂၀၂၂ ခုနှစ်။
စစ်ကိုင်းတိုင်းဒေသကြီး ကလေးမြို့ မှာရှိတဲ့ ဆွံ့အနားမကြား ပြည်သူတစ်ဦးကို အာဏာသိမ်းစစ်ကောင်စီရဲ့တပ်ဖွဲ့ဝင်တွေက အကြောင်းမဲ့ပစ်သတ်သွားခဲ့တယ်လို့ ဒေသခံတွေက သံလွင်ခက်ကိုပြောပါတယ်။
ကလေးမြို့ အောင်သစ်စာရပ်ကွက်မှာနေထိုင်တဲ့ ဆွံ့အနားမကြားသူ အသက် ၂၂ အရွယ်ရှိတဲ့ ရဲရင့်ဇော်ကို ယခုလ ဇန်နဝါရီ ၁၅ ရက် ည ၉နာရီ ဝန်းကျင်မှာစစ်ကောင်စီတပ်ဖွဲ့ဝင်တွေက ပစ်သတ်သွားခဲ့တာဖြစ်ပါတယ် ။
စစ်ကောင်စီတပ်ဖွဲ့ဝင်တွေက အကြောင်းမဲ့ ပစ်သတ်သွားခဲ့လို့ သေဆုံးသွားခဲ့တဲ့ မောင်ရဲရင့်ဇော်ကို ယနေ့ ဇန်နဝါရီ ၁၇ ရက်နေ့ နေ့လယ် ၂နာရီ ဒိုးဝိုင်းချောင်းသုသာန်မှာ သဂြိုဟ်ခဲ့တယ်လို့ သိရပါတယ်။
စစ်ကိုင်းတိုင်း ကလေးမြို့မှာ စစ်ကောင်စီတပ်ဖွဲ့ဝင်တွေက အခုရက်ပိုင်းတွင်းမှာ ပြည်သူလူထုအသက်သေဆုံးစေတဲ့အထိ ပစ်ခက်မှုတွေနဲ့ နေရာအနှံ့ဖောက်ခွဲမှုတွေပြုလုပ်နေပေမယ့် ကလေးမြို့ပေါ်မှာ စစ်အာဏာရှင်ဆန့်ကျင်ရေးသပိတ်စစ်ကြောင်းက နေ့စဉ် ချီတက်ဆန္ဒဖော်ထုတ်နေကြပါတယ်။
ကလေးမြို့မှာ ဖော်ဝါရီလ ၁ ရက် နေ့စစ်ကောင်စီအာဏာသိမ်းပြီးနောက် သပိတ်ခေါင်းဆောင်တစ်ဦး စုဆောင်းထားတဲ့ စာရင်းအရ စစ်ကောင်စီ ပစ်ခတ်မှုကြောင့် သေဆုံးသွားတဲ့ပြည်သူပေါင်း ၁၀၀ကျော်ရှိပြီလို့သိရပါတယ်။
သံလွင်ခက် - Than Lwin Khet News
Reviewed by THITHTOOLWIN
on
23:43
Rating:
No comments:
Post a Comment