ဇန်နဝါရီ ၅၊ ၂၀၂၂။ ဒူးပလာယာ
ယမန်နေ့ နံနက် (၄)နာရီခွဲအချိန်ခန့်တွင် အာဏာသိမ်းစစ်ကောင်စီတပ် တပ်မ (၄၄) လက်အောက်ခံ ခလရ- ၂၀၇ တပ်ရင်းနှင့် KNLA တပ်ရင်း (၂၇)တို့ ကေအဲန်ယူ- ဒူးပလာယာခရိုင်၊ လေးကေးကော် ရက်ကွက် (၃) တွင် တိုက်ပွဲ ထပ်မံဖြစ်ပွားခဲ့ကြောင်း သိရသည်၊၊
တိုက်ပွဲဖြစ်ပွားချိန်တွင် အာဏာသိမ်းစစ်ကောင်စီ တပ်မှ လေးကေ့ကော်မြို့သစ် ရပ်ကွက်(၃) ထဲတွင် လက်နက်ကြီး အချက်(၃၀)ကျော်ခန့်ဖြင့် ရမ်းသမ်းပစ်ခတ်မှုများ ပြုလုပ်ခဲ့ကြောင်း မြေပြင်သတင်းပေးပို့ချက်အရ သိရသည်။
ထိုတိုက်ပွဲတွင် အာဏာသိမ်းစစ်ကောင်စီတပ်မှ (၄)ဦး ကျဆုံးခဲ့ပြီး၊ ဒေသခံပြည်သူများ၏ နေအိမ်တော်တော်များများ ထိမှန်ပျက်ဆီးခဲ့ကြောင်း သိရှိရသည်။
တိုက်ပွဲဖြစ်ပွားပြီးနောက် အာဏာသိမ်းစစ်ကောင်စီတပ်မှ လေးကေ့ကော်မြို့သစ် ရပ်ကွက်များတွင်းသို့ ဝင်ရောက်မွှေနှောက်မှုများ ပြုလုပ်ကာ အိမ်အတွင်းရှိ စားစရာများ၊ တန်ဖိုးကြီးပစ္စည်းများ ယူဆောင်သွားခဲ့ကြောင်း မြေပြင်သတင်းပေးပို့ချက်အရ သိရသည်။
အလားတူ လွန်ခဲ့သည့်ရက်အနည်းငယ်ခန့်တွင်လဲ မော်ထို့တလေးကျေးရွာမှ နေအိမ်အတွင်းရှိ ပစ္စည်းများအပြင် ဆိုင်ကယ်(၁၀)စီး အစရှိသည့်ပစ္စည်းများကို (၁၀)ဘီးကား ဖြင့် သိမ်းဆည်း ယူဆောင်သွားခဲ့ကြောင်း သိရသည်။
ဒူးပလာယာခရိုင်
Reviewed by THITHTOOLWIN
on
00:44
Rating:
No comments:
Post a Comment