လွတ်လပ်​ရေး​နေ့ည တာ​မွေတွင် ဗုံးသုံးလုံး​ပေါက်

လွတ်လပ်ရေးနေ့ညတွင် တာမွေမြို့နယ်အတွင်း  ဗုံး သုံးကြိမ်ပေါက်ကွဲခဲ့ကြောင်း ​ဒေသခံများကပြောသည်။ 

ယ​နေ့ညနေ ၆ နာရီမှ ည ၈နာရီကြား​ပေါက်ကွဲခဲ့ခြင်းဖြစ်သည်။​ပေါက်ကွဲမှု သုံးခုကို တာမွေမြို့နယ်နေရာအနှံပြားက ကြားခဲ့ရပြီး ထိခိုက်ဒဏ်ရာရရှိမူကိုတော့ မသိရကြောင်း တာမွေမြို့နယ်တွင် နေထိုင်သူတစ်ဦးက ပြောသည်။ 

"ပေါက်ကွဲသံကြီးတော့ကြားလိုက်ရတယ်။ ပြီးတော့ ရဲတွေ စစ်သားတွေရောက်လာပြီးလမ်းတွေ ပိတ်ပြီးစစ်နေတယ်”ဟု တာမွေမြို့ခံတစ်ဦးက ပြောသည်။ 

တာမွေ မလွှကုန်းဘူတာအနီး ည ၈နာရီပေါက်ကွဲမူကို ရန်ကုန်အခြေစိုက် ပြည်သူ့ကာကွယ်ရေးတပ်ဖွဲ့  သုံးခုကပူး​ပေါင်း တိုက်ခိုက်ခဲ့ခြင်းဖြစ်သည်ဟု ထုတ်ပြန်ထား သည်။ 

ပေါက်ကွဲမူတွင် အကြမ်းဖက်စစ်ကောင်စီဘက်မှနှစ်ဦး ထိခိုက်နိုင်သည်ဟု Yangon People’s Defense Force (Bahan) ၊ Anonymous Force ၊ Hmawbi Revolution Force တို့က ထုတ်ပြန်ထားသည်။ 

"၈နာရီ ကျော်လောက်က မလွှကုန်းဘူတာနားမှာ ဗုံးပေါက်သံ အကျယ်ကြီး တစ်ချက် ကြားလိုက်ရတယ်။ ပြီးတော့ သေနတ်သံ နှစ်ချက် ပစ်သံကြားရတယ်။ ဘယ်ဘက်ကပစ်မှန်းတော့ မသိပါဘူး။ ဘူတာနားမှာက အရင်ထဲက အစောင့်ကင်းတဲ ရှိတော့ အဲ့ကို လာပစ်တာ ထင်ပါတယ်။ ညဘက်လည်း ဖြစ်နေတော့ ဘယ်သူမှ သွားမကြည့်ရဲကြဘူး"ဟု ​တာမွေမြို့ခံတစ်ဦးက ပြောသည်။

ထိုအပြင်ည၈နာရီခန့်တွင်လည်းကျောက်မြောင်းမြို့ပတ်လမ်းတွင် ဗုံးပေါက်ကွဲမူ နှစ်ကြိမ်ဖြစ်ပေါ်ခဲ့သည်ဟုမြို့ခံများက ပြောသည်။

ယနေ့ည ၆နာရီခန့်တွင်လည်း တာမွေမြို့နယ် အရှေ့မြင်းပြိုင်ကွင်းလမ်းရှိ စစ်ကောင်စီကို လေယာဉ်ဆီတင်သွင်းပေးနေသည့် မြတ်မေတ္တာမွန်ကုမ္ပဏီပိုင် ဆီဆိုင်တစ်ခုပေါက်ကွဲဖြစ်ပွားခဲ့သည်။

People's Spring