လွိုင်ကော်မြို့ပေါ်၌ တစ်ရက်ထဲ တိုက်ပွဲ (၂)နေရာဖြစ်ပွားပြီး စစ်ကောင်စီတပ်သား (၅)ဦးခန့်သေဆုံးကာ (၃)ဦးကို အရှင်ဖမ်းဆီးရမိ
HTY Information ( ဇန်နဝါရီလ ၁၁ ရက် )
ကယား(ကရင်နီပြည်နယ်)၊ လွိုင်ကော်မြို့၊ ဒေါဥခူရပ်ကွက် အကျဥ်းထောင်ဘေးပတ်လည်မှာ ကင်းပုန်းဝပ်ချထားတဲ့ အကြမ်းဖက်စစ်ကောင်စီတပ်ဖွဲ့ကို ပြည်သူ့ကာကွယ်ရေးတပ်-ဒီးမော့ဆို(DMO-PDF)၊ KDF၊ GZ 21 တပ်ဖွဲ့တွေ ပူးပေါင်းပြီး ဒီကနေ့ ဇန်နဝါရီလ(၁၁)ရက်နေ့မှာ သွားရောက်တိုက်ခိုက်ခဲ့ကြောင်းသိရသည်။
အဆိုပါတိုက်ပွဲကို မွန်းလွဲ ၁၂နာရီခွဲအချိန်မှစ၍ ညနေ ၄နာရီခွဲအချိန်ထိကြာအောင် တိုက်ပွဲဖြစ်ပွားခဲ့ပြီး အဲ့ဒီတိုက်ပွဲအတွင်း အကြမ်းဖက်စစ်ကောင်စီဖက်က(၅)ဦးခန့်သေဆုံးကာ ထိခိုက်ဒဏ်ရာအမြောက်အများရရှိခဲ့ကြောင်း DMO PDF ကနေ သတင်းထုတ်ပြန်ပါတယ်။
ဒါပြင် လွိုင်ကော်မြို့၊ မိုင်းလုံးရပ်ကွက်မှာပြည်သူ့ကာကွယ်ရေးတပ်-ဒီးမော့ဆို (DMO-PDF)၊ လွိုင်ကော်(PDF)၊ KNDF၊ KAအပြင် အခြားတော်လှန်ရေးတပ်ဖွဲ့တွေ ပူးပေါင်းပြီး စစ်ကောင်စီတပ်ဖွဲ့တွေနဲ့ မနက် ၈နာရီခွဲမှ ည၇နာရီအချိန်ထိ တိုက်ပွဲဖြစ်ပွားခဲ့ကြပြီး စစ်ကောင်စီတပ်ဖက်က အများအပြားသေဆုံးနိုင်ကာ လက်နက်တချို့သိမ်းဆည်းရမိသည့်အပြင် စစ်ကောင်စီတပ်ဖွဲ့ဝင်(၃)ဦးကိုလည်း KNDFတပ်ဖွဲ့က အရှင်ဖမ်းဆီးရမိခဲ့ကြောင်း DMO PDF ထုတ်ပြန်ချက်အရ သိရပါတယ်။
၎င်းတိုက်ပွဲများတွင် စစ်ကောင်စီဘက်မှထိခိုက်မှုများခဲ့သဖြင့် ညနေ ၆နာရီဝန်းကျင်အချိန်မှာ တိုက်လေယာဥ်နဲ့ ဗုံးကြဲတိုက်ခိုက်ခဲ့ ပါတယ်။
(၂)ရက်တာ လွိုင်ကော်မြို့တွင်း တိုက်ပွဲအတွင်းပြည်သူ့ကာကွယ်ရေးတပ်-ဒီးမော့ဆို(DMO-PDF)ဖက်က ရဲဘော်(၃) ဦး ထိခိုက်ဒဏ်ရာရရှိခဲ့တယ်လို့လည်း DMO PDF က သတင်းထုတ်ပြန်ပါတယ်။
HTY Information
Reviewed by THITHTOOLWIN
on
22:25
Rating:
No comments:
Post a Comment