လွိုင်ကော်မြို့ကို စစ်ကောင်စီတပ် တိုက်လေယာဥ်ဖြင့်တိုက်ခိုက်စဥ် စနေအသင်းဘုရားကျောင်းပြိုကျပြီး ပြည်သူများ ပိတ်မိ
 |
| (တိုက်ပွဲများကြောင့် ထွက်ပြေးတိမ်းရှောင်နေရသောပြည်သူအချို့ ) |
လွိုင်ကော်မြို့ပေါ်အားအကြမ်းဖက်စစ်ကောင်စီက ယနေ့ညနေတွင်တိုက်လေယာဥ်ဖြင့် လာရောက်ပစ်ခတ်ရာ ဒေါဥခူရပ်ကွက်ရှိ စနေအသင်းဘုရားကျောင်းပြိုကျပြီးပြည်သူများပိတ်မိနေ ယကြောင်း မြို့ခံများက ပြောသည်။
စစ်ကောင်စီကလွိုင်ကော်မြို့ ဒေါအူခူနှင့် မိုင်းလုံးရပ်ကွက်ကို ယနေ့(ဇန်နဝါရီ ၁၁) ညနေ ၅ နာရီ မိနစ် ၄၀တွင် တိုက်လေယာဥ်ဖြင့် လာရောက်ပစ်ခတ်ခြင်းဖြစ်သည်။
နေအိမ်အချို့ မီးလောင်နေပြီး ဒေါဥခူရပ်ကွက်ရှိ စနေအသင်း ဘုရားကျောင်းပြိုကျနေသည်ဟု ယနေ့ည ၇ နာရီကျော်အခြေအနေကို ဒေသခံတစ်ဦးကပြောသည်။
"တိုက်လေယာဥ်နဲ့ ပစ်သွားတာ။ ဘရားကျောင်းထဲ လူတွေ ပိတ်မိနေတယ်"ဟု ပြောသည်။မြေပြင်တိုက်ပွဲတွင်စစ်ကောင်စီတပ်က အထိနာပြီးနောက် လေကြောင်းမှတစ်ဆင့် တိုက်ခိုက်လာခြင်းဟု ပြည်သူ့ကာကွယ်ရေးတပ်ဖွဲ့ဝင်အချို့က ပြောသည်။
အကြမ်းဖက်စစ်ကောင်စီကို KNDF ၊KA၊ PDF စသော ပြည်သူ့ကာကွယ်ရေးတပ်ဖွဲ့များက စုပေါင်းခုခံတိုက်ခိုက်နေသည်။ ယနေ့ လွိုင်ကော်တိုက်ပွဲတွင် စစ်ကောင်စီတပ်မှ၂၀ သေဆုံးပြီး ၊ ၃ ဦးထွက်ပြေးလာကာပြည်သူ့နှင့်ပူးပေါင်းခဲ့ကြောင်း.KNDFကထုတ်ပြန်သည်။ KNDFတပ်ဖွဲ့ဝင်တစ်ဦး ပြည်သူများနှင့် ဖက်ဒရယ်ဒီမိုကရေစီနိုင်ငံအတွက် စစ်ကောင်စီတပ်ကိုတိုက်ပွဲဝင်ရင်းကျဆုံးခဲ့သည်။
People's Spring
Reviewed by THITHTOOLWIN
on
22:30
Rating:
No comments:
Post a Comment