ကမ္မ၊ ဇန်နဝါရီ ၁၉၊ ၂၀၂၂။
ပခုက္ကူမြို့နယ်ထဲမှာ ဒီနေ့မနက်ပိုင်းက ရဲတပ်သားတဦး လက်နက်အပြည့်အစုံနဲ့ ထွက်ပြေးသွားလို့ စစ်ကောင်စီတပ်တွေ ပိုက်စိပ်တိုက်ပြီး လိုက်ရှာနေတယ်လို့ ဒေသခံတွေဆီကသိရပါတယ်။
မကွေးတိုင်း၊ ပခုက္ကူခရိုင်အတွင်း ကမ္မမြို့အနောက်ဘက်၊ သာကြီးတောင် ရဲစခန်းက ရဲတပ်သားတဦးဖြစ်ပြီး ဇန်နဝါရီလ ၁၉ ရက် ဒီနေ့မနက် ၁၀ နာရီကျော်မှာ ထွက်ပြေးသွားတယ်လို့သိရကြောင်း Pakokku Revolution Frontတာဝန်ခံကပြောပါတယ်။
“ကမ္မမြို့အနောက်ဘက်မှာရှိတဲ့သာကြီးတောင်ရေနံမြေ ရဲ ၁ ယောက်လက်နက်အပြည့်အစုံနဲ့ထွက်ပြေးတယ်လို့ ကြားရတယ်၊ လောလောဆယ် အဲဒီနားဝန်းကျင်မှာ ဒီကောင်တွေ ရှာတော့ရှာနေကြတယ်၊ အခုထိတော့မတွေ့သေးဘူး၊ “ လို့ ပြောပါတယ်။
လက်ရှိအချိန်မှာ စစ်ကောင်စီတပ်သားတွေက ကမ္မမြို့တဝိုက်မှာ FAW ကားနဲ့ လိုက်ရှာနေပြီး သေနတ်တွေလည်း ပစ်ဖောက်နေကြတယ်လို့ သိရပါတယ်။
မြေလတ်အသံ - Myaelatt Athan
ရဲစခန်းကထွက်ပြေးသွားတဲ့ ရဲတဦးကို စစ်ကောင်စီကသေနတ်တွေပစ်ဖောက်ပြီးလိုက်ရှာနေ
Reviewed by THITHTOOLWIN
on
19:53
Rating:
Reviewed by THITHTOOLWIN
on
19:53
Rating:
No comments:
Post a Comment