လွိုင်ကော်မြို့ မိုင်းလုံးရပ်ကွက်တွင် တိုက်ပွဲပြန်လည်ဖြစ်ပွားခဲ့ပြီး စကစတပ်သား အနည်းဆုံး (၂၀) ဦးသေဆုံး၊ အထိနာသောစစ်ကောင်စီတပ်မှ လေကြောင်းပစ်ကူခဲ့
 |
| Photo - KNDF တပ်ဖွဲ့ဝင်တချို့ကို မြင်တွေ့ရစဉ် |
ဇန်နဝါရီ ၁၆
ကရင်နီပြည်နယ်၊ လွိုင်ကော်မြို့၊ မိုင်းလုံးရပ်ကွက် စက်မှုလယ်ယာရုံးနှင့် (၁၁) ထပ်ဟိုတယ်အနီးတွင် တိုက်ပွဲပြင်းထန်ခဲ့ပြီး ယနေ့ မနက် ၉ နာရီမှစ၍ ညနေ ၅ နာရီ ၄၅ မိနစ်အထိ နှစ်ဖက်ထိတွေ့တိုက်ပွဲများခဲ့ပြီး အကြမ်းဖက်စစ်ကောင်စီတပ်ဘက်မှ အနည်းဆုံး( ၂၀ )ဦး ထိခိုက်သေဆုံးနိုင်ကြောင်း သိရသည်။
အကြမ်းဖက်စစ်ကောင်စီတပ်များဘက်မှ အထက်မြင့်အဆောက်အဦးနှင့် နည်းပညာတက္ကသိုလ်တို့ကို အကာအကွယ်ယူပြီး ထိုးစစ်တိုက်ခိုက်လာသဖြင့် PDF ပူးပေါင်းတပ်များနှင့်အတူ KNDF တို့မှ ခုခံ တိုက်ခိုက်ခဲ့ခြင်းဖြစ်ကြောင်း KNDF ကထုတ်ပြန်သည်။
အကြမ်းဖက်စစ်ကောင်စီတပ်ဘက်မှ ထိခိုက်မှုများပြားသည့်အတွက် လေကြောင်းပစ်ကူဖြင့် ညနေ ၅ နာရီ ၂၅ မိနစ်တွင် တိုက်ပွဲဖြစ်ပွားရာ မိုင်းလုံးရပ်ကွက်သို့ ဗုံးကျဲ ပစ်ခတ်တိုက်ခိုက်ခဲ့သည်။ ထို့အတူ ညနေ ၅နာရီခွဲတွင် ဒီးမော့ဆိုမြို့နယ် နန်းမယ်ခုံကျေးရွာတွင် အကြမ်းဖက်စစ်ကောင်စီဘက်မှ လေကြောင်းဖြင့် လာရောက်တိုက်ခိုက်သဖြင့် ပရဟိတလူငယ်(၃)ဦး ကျဆုံးခဲ့ရကြောင်း သိရသည်။
ထို့အပြင် မွန်းလွဲ ၂ နာရီခန့်တွင်လည်း ဖရူဆိုမြို့နယ်၊မာခရော်ရှေ့ကျေးရွာ ခြေကုပ်စခန်းမှ ရေးခပ်ဆင်းလာသော အကြမ်းဖက်စစ်ကောင်စီတပ်များအား KNDF မှ တိုက်ခိုက်ခဲ့ပြီး အကြမ်းဖက်စစ်ကောင်စီတပ်ဖက်မှ ထိခိုက်မှုများရှိခဲ့ကြောင်းသိရသည်။
PDF Newsflash
Reviewed by THITHTOOLWIN
on
22:45
Rating:
No comments:
Post a Comment