တနင်္သာရီ၊ ဇန်နဝါရီ ၄
တနင်္သာရီတိုင်းဒေသကြီး၊ တနင်္သာရီမြို့နယ်၊ တကူကျေးရွာရှိ တကူရဲစခန်း ဇန်နဝါရီလ ၃ ရက်နေ့ ညနေပိုင်းက မီးရှို့ဖျက်စီးခံရတယ်လို့ ဒေသခံတွေက ပြောပါတယ်။
အဆိုပါ မီးရှို့ဖျက်စီးမှုကို ဒေသကာကွယ်ရေးအဖွဲ့တစ်ခုဖြစ်တဲ့ ဘက်မလိုက်ပြောက်ကျားအဖွဲ့က လုပ်ဆောင်ခဲ့တာဖြစ်ပါတယ်။
မီးရှို့ဖျက်စီးခံရတာကြောင့် ရဲစခန်းရှိ စာရွက်စာတမ်းတွေ၊ လျှပ်စစ်ပစ္စည်းတွေ၊ ပရိဘောဂပစ္စည်းတွေ၊ ယူနီဖောင်းတွေ၊ အသုံးအဆောင်ပစ္စည်းတွေနဲ့ရေပိုက်လိုင်းတွေပါ ပျက်စီးခဲ့ပါတယ်။
ဒါ့အပြင် တကူကျေးရွာ ဘုန်းတော်ကြီးကျောင်းမှာ စစ်ကောင်စီဘက်က ချန်ထားခဲ့တဲ့ ဆိုင်ကယ် ၅ စီးကို သိမ်းဆည်းခဲ့ပြီး တကူကမ်းနားရှိ စစ်ကောင်စီ စက်လှေတစ်စီးနဲ့စက်နှစ်လုံးကိုလဲ ဖျက်ဆီးခဲ့တယ်လို့ ဆိုပါတယ်။
"အဲဒီရဲစခန်းက စကစ လက်အောက်ခံရဲတွေ မနေတာကြာပြီး။ ဟိုတစ်ခါလဲ တိုက်ခိုက်ခံရသေးတယ်။ ခုကတော့ တော်တော်လေး ဖျက်စီးခံရတယ်''လို့ ဒေသခံတစ်ဦးက သံလွင်တိုင်းမ်ကိုပြောပါတယ်။
နိုဝင်ဘာလ ၂၂ ရက်နေ့ကလည်း တကူရဲစခန်းကို ဓူဝံတော်လှန်ရေးတပ်ဖွဲ့က မိုင်းဆွဲမီးရှို့တိုက်ခိုက်ခဲ့သေးတယ်လို့ သိရပါတယ်။
Than Lwin Times
Reviewed by THITHTOOLWIN
on
18:14
Rating:
No comments:
Post a Comment