ဝေဘူလမြို့ကို ထိုးစစ်ဆင်လာ​သော စစ်​ကောင်စီတပ် မိုင်းနင်းမိပြီး အပြားအများ သေဆုံးဒဏ်ရာရ

(  ချင်းအမျိုးသားကာကွယ်​ရေးတပ်ဖွဲ့ -CNDF )

ချင်းပြည်နယ်၊ဖလမ်းမြို့နယ် ဝေဘူလမြို့ကို ထိုးစစ်ဆင်လာသော အကြမ်းဖက်စစ်ကောင်စီတပ်နှင့် CNDF တိုက်ပွဲဖြစ်ပွားပြီး၊CNDF ​ထောင်ထား​သော မိုင်းများနင်းပြီး အများအပြားသေဆုံးဒဏ်ရာရခဲ့သည်ဟု ချင်းအမျိုးသားအဖွဲ့ချုပ်( Chin National Organization) က ယနေ့ သတင်းထုတ်ပြန်သည်။

အကြမ်းဖက်စစ်ကောင်စီတပ်များသည် လက်နက်ကြီးနှင့်လူအင်အား အလုံးအရင်းဖြင့် ဝေဘူလမြို့ကို ဇန်နဝါရီ ၆ ရက်မှစတင်ထိုးစစ်ဆင်နေခြင်းဖြစ်သည်ဟုလည်းCNOကထုတ်ပြန်သည်။ 

ထိုတိုက်ပွဲအတွင်းအကြမ်းဖက်စစ်ကောင်စီတပ်များက လူသားဒိုင်းအဖြစ် ပြည်သူလူထုကို အသုံးပြုခဲ့မှုများလည်းရှိသည်။ အကြမ်းဖက်စစ်ကောင်စီက ဝေဘူလမြို့သို့ တောင်ယာလုပ်ငန်းမှာ ခြေလျင်ပြန်လာသည့် ပြည်သူ ၅ ဦးကို ယနေ့(ဇန်နဝါရီ ၁၀ ရက်)တွင် လူသားဒိုင်းဖြစ် ခေါ်ဆောင်သွားသည်။ ၎င်းတို့အနက်မှ  နှစ်ဦးကို ပြန်လွှတ်ပေးသော်လည်း ကျန် သုံးဦးကို လူသားဒိုင်းအဖြစ် ဆက်လက်ခေါ်ဆောင်သွားသည်ဟု ထုတ်ပြန်ချက်တွင်​ဖော်ပြထားသည်။ 

ယနေ့တိုက်ပွဲတွင် CNDF (Chin National Defence Force )ဘက်မှ ထိခိုက်မူ မရှိသော်လည်း တိုက်ပွဲဖြစ်ပွားနေခြင်းကြောင့် စစ်ကောင်စီဘက်မှ အကျအဆုံး အတိအကျမသိရသေးဟုလည်း CNOက ထုတ်ပြန်ထားသည်။ 

ဝေဘူလမြို့သို့ စစ်ကြောင်းထိုးနေသည့်အကြမ်းဖက်စစ်ကောင်စီတပ်ဖွဲ့များကို PDF (Kalay) ၊ CNDF ၊ Zomi PDF ၊ RKDF (ရိန်းဂျားကလေးမြို့ပြည်သူကာကွယ်ရေးတပ်ဖွဲံ) နှင့် ပ.က.ဖ -ပြည်သူ့ကာကွယ်​ရေးတပ်(ကလေး) ပူးပေါင်းတပ်ဖွဲ့များက  ဇန်နဝါရီ၆ ရက်ကတည်းက  ခုခံတိုက်ခိုက်လျက်ရှိပြီး လမ်းကြောင်းတ‌လျှောက် တိုက်ပွဲပြင်းထန်ခဲ့သည်ဟု PDF(ကလေး) ကထုတ်ပြန်ထားသည်။

People's Spring