စစ်တပ်အာဏာသိမ်းပြီး ရက်ပေါင်း ၃၀၀ ကျော်အတွင်း စစ်ကောင်စီတပ်ဖွဲ့ဝင်တွေမီးရှို့ဖျက်ဆီးတဲ့ အိမ်ခြေဟာ ၁၉၆၃ လုံး ထိရှိလာပါတယ်။
ဒီစာရင်ဟာ အာဏာသိမ်းတဲ့ ဖေဖော်ဝါရီလ ၁ ရက်ကနေ ဒီနှစ် ၂၀၂၂ ခုနှစ် ဇန်နဝါရီလ ၅ ရက်အထိ စာရင်းဖြစ်ပြီး Data for Myanmar အဖွဲ့က ပြုစုထားတာပါ။
မီးရှို့ဖျက်ဆီးခံရတဲ့ ဒေသအများစုကတော့ စစ်အာဏာသိမ်းမှုကိုအပြင်းထန်ဆုံးဆန့်ကျင်တဲ့နေရာတွေဖြစ်တာတွေ့ရပါတယ်။
အဲဒီဒေသတွေဟာ ချင်းပြည်နယ်၊ စစ်ကိုင်းတိုင်း၊ မကွေးတိုင်းနဲ့ ကယားပြည်နယ်တို့ပဲဖြစ်ပါတယ်။
ဒါ့အပြင် ရှမ်းပြည်နယ်၊ မန္တလေးတိုင်း၊ ပဲခူးတိုင်း၊တနင်္သာရီတိုင်းနဲ့ကရင်ပြည်နယ်တို့မှာလည်း စစ်ကောင်စီက မီးရှို့ဖျက်ဆီးလိုက်တဲ့အိမ်ခြေတွေရှိနေတာကိုတွေ့ရပါတယ်။
စစ်ကောင်စီတပ်တွေ မီးရှို့ဖျက်ဆီးမှုကိုအများဆုံးကြုံရတာကတော့ ချင်းပြည်နယ်မှာဆို ထန်တလန်မြို့မှာ အိမ်ခြေ ၆၉၀၊ စစ်ကိုင်းတိုင်းက ကင်းမကျေးရွာဆို အိမ်ခြေ ၂၃၀ ပျက်စီးသွားတယ်လို့စာရင်းတွေအရသိရပါတယ်။
နေအိမ်တွေမီးရှို့ဖျက်ဆီးခံရတာကြောင့် ဒေသခံပြည်သူတွေဟာလည်း နေရပ်မပြန်နိုင်ဘဲ ဘေးလွတ်ရာကိုအခုထက်ထိတိမ်းရှောင်နေကြရပါတယ်။
People's Spring
Reviewed by THITHTOOLWIN
on
23:01
Rating:
No comments:
Post a Comment