တရားမဝင်သယ်ယူလာသော ကျောက်စိမ်းများအား ဖမ်းဆီးရမိခဲ့ပြီး အမျိုးသားညီညွတ်ရေးအစိုးရ(NUG) ထံ လွှဲပြောင်းပေးအပ်ခဲ့ကြောင်း မင်းကင်းပြည်သူ့ကာကွယ်ရေးတပ်က ယနေ့(ဒီဇင်ဘာ၂၃) ထုတ်ပြန် သည်။
မင်းကင်းပြည်သူ့ကာကွယ်ရေးတပ်ရင်း(၁)သည် ချင်းတွင်းမြစ်ရေကြောင်း စိုးမိုးရေးလုပ်ငန်းများ လုပ်ကိုင်နေပြီး လွန်ခဲ့သောရက်အနည်းငယ်က တရားမဝင်သယ်ဆောင်လာသော ကျောက်စိမ်းဖလက်ခွံအပါအဝင် ရေယာဥ် ၁၁ စီးကိုလည်း မိုင်းစွဲတိုက်ခိုက်ခြင်းနှင့် ချောင်းမြောင်းပစ်ခက်ခြင်းများလည်း ပြုလုပ်ခဲ့သည်။
ချင်းတွင်းမြစ်ကိုအသုံးပြု၍ မှောင်ခိုပစ္စည်းများသယ်ယူခြင်း၊ ပျူစောထီးနှင့် အကြမ်းဖက်စစ်ကောင်စီတို့ ရိက္ခာများ၊ ခဲယမ်းလက်နက်များ သယ်ယူနေခြင်း၊အကြမ်းဖက် စစ်ကောင်စီက ရေကြောင်းကိုအသုံးပြု၍ နယ်မြေစိုးမိုးရေးလုပ်ငန်းများ လုပ်ဆောင်နေကြခြင်းတို့ကြောင့် မိမိတို့တပ်ရင်းမှ ရေကြောင်းစိုးမိုးရေးလုပ်ငန်းများ အားဖြည့်လုပ်ဆောင်နေသည်ဟုလည်း မင်းကင်းပြည်သူ့ကာကွယ်ရေးတပ်က ဆိုသည်။
ထိုသို့ ရေကြောင်းစိုးမိုးရေးကိစ္စများဆောင်ရွတ်နေစဥ် တရားမဝင် ကျောက်စိမ်းများသယ်ယူလာသည်ကို ဖမ်းဆီးရရှိခဲ့ပြီး NUGအစိုးရ တာဝန်ရှိသူများနှင့် ချိတ်ဆက်ကာ လွှဲပြောင်းပေးအပ်နိုင်ခဲ့ခြင်းဖြစ်သည်။
မင်းကင်းပြည်သူ့ကာကွယ်ရေးတပ်ရင်း(၁)အနေဖြင့် ရေကြောင်းစိုးမိုးမှုများကို ဆက်လျှက်လုပ်ဆောင်နေဆဲဖြစ်ပြီး တရားမဝင်သစ်ဝါးများ သယ်ယူနေခြင်း၊ ကျောက်မီးသွေး၊ ကျောက်စိမ်းများ အပါအဝင် စစ်ကောင်စီနှင့် ဆက်နွယ်နေသော စီးပွားရေးလုပ်ငန်းများမှန်သမျှ ထိန်းသိမ်းခြင်း၊ဖျက်စီးခြင်း၊NUG ထံအပ်နှံခြင်းများ ဆောင်ရွတ်လျှက်ရှိကြောင်းလည်း အသိပေးသည်။
People's Spring
Reviewed by THITHTOOLWIN
on
10:04
Rating:
No comments:
Post a Comment