ဒီဇင်ဘာ ၆
ကရင်ပြည်နယ်၊ ဘုရားသုံးဆူမြို့ ချောင်းဆုံကျေးရွာမှာ ဒီဇင်ဘာလ ၆ ရက်နေ့ မနက်ပိုင်းက စစ်ကောင်စီအုပ်ချုပ်ရေးမှူးတစ်ဦး သေနတ်နဲ့ပစ်ခံရပြီး သေဆုံးသွားတယ်လို့ ဒေသခံတွေထံက သိရပါတယ်။
သေနတ်နဲ့ပစ်သတ်ခံရသူမှာ ချောင်းဆုံကျေးရွာအုပ်ချုပ်ရေးမှူး ဦးဇော်မျိုးအောင်ဆိုသူဖြစ်ပြီး နေအိမ်ရှေ့မှာရှိနေစဉ် သေနတ်သမားက လာရောက်ပစ်ခတ်သွားတာဖြစ်ပါတယ်။
"သူနေအိမ်ရှေ့မှာ ရှိနေချိန်ပစ်သတ်ခံရတယ်လို့ သိရတယ်။ ဘယ်သူလာပစ်လဲဆိုတာတော့ မသိရဘူး။ သွားလဲမကြည့်ရဲဘူး။ စကစ ဘက်ကတော့ လာစစ်သွားကြတယ်''လို့ ဒေသခံတစ်ဦးက သံလွင်တိုင်းမ်ကိုပြောပါတယ်။
သေနတ်နဲ့ပစ်ခတ်ခံရတာကြောင့် ဦးဇော်မျိုးအောင်မှာ သေနတ်ကျည် ၃ ချက်ထိမှန်ပြီး နေရာမှာတင် သေဆုံးသွားတယ်လို့ ဆိုပါတယ်။
သတင်း - သံလွင်တိုင်းမ် / Than Lwin Times
ဘုရားသုံးဆူက စစ်ကောင်စီခန့်အုပ်ချုပ်ရေးမှူး တစ်ဦး သေနတ်နဲ့ပစ်သတ်ခံရ
Reviewed by THITHTOOLWIN
on
18:09
Rating:
Reviewed by THITHTOOLWIN
on
18:09
Rating:
No comments:
Post a Comment