ကျောက်ထု၊ နိုဝင်ဘာ ၂၂၊ ၂၀၂၁။
နိုဝင်ဘာ ၂၁ရက် မနေ့က ကျောက်ထု - ပခုက္ကူလမ်းပိုင်းမှာ ဆီသယ်ယာဉ်တစ်စီးကို ကျောက်ထု PDF က စစ်ဆေးခဲ့ချိန်မှာ စစ်ကောင်စီရဲ့ ပုံမှန်ဆီသယ်ပေးနေတဲ့ ကားဖြစ်နေလို့ မီးရှို့ဖျက်ဆီးခဲ့တယ်လို့ ကျောက်ထု PDF က ထုတ်ပြန်ထားပါတယ်။
"၂၀၂၁ ခုနှစ်၊ နိုဝင်ဘာ ၂၁ ရက်နေ့တွင် ကျောက်ထု-ပခုက္ကူလမ်းပိုင်းတစ်နေရာ၌ ဆီသယ်ကားတစ်စီးအား Kyaukhtu PDF မှစစ်ဆေးခဲ့ရာ အကြမ်းဖက်စစ်ကောင်စီတပ်၏ ပုံမှန်ဆီသယ်ယူနေသော ကားဖြစ်ကြောင်း စစ်ဆေးသိရှိခဲ့ရပါသည်။ ထို့ကြောင့် အဆိုပါ အကြမ်းဖက်စစ်ကောင်စီယန္တရားထောက်တိုင်တစ်ခုဖြစ်နေသော ဆီသယ်ကားအား မီးရှို့ဖျက်ဆီးပစ်ခဲ့ပါသည်။
မိဘပြည်သူများအနေနှင့်လည်း အကြမ်းဖက်စစ်ကောင်စီယန္တရားများတွင် ပါဝင်ကူညီခြင်း၊ လိုက်ပါဆောင်ရွက်ခြင်းများမပြုလုပ်ကြပါရန် သတိပေးအပ်ပါသည်။" လို့ ထုတ်ပြန်ထားပါတယ်။
မြေလတ်အသံ - Myaelatt Athan
စစ်ကောင်စီရဲ့ ဆီသယ်ယာဉ်ကို ကျောက်ထု PDF မီးရှို့ဖျက်ဆီး
Reviewed by THITHTOOLWIN
on
17:48
Rating:
No comments:
Post a Comment