 |
| ဓာတ်ပုံ-တိုက်ပွဲတစ်ခုအတွင်းမှ KIA စစ်သားတစ်ဦး |
နိုဝင်ဘာ ၂၀
ယနေ့ နိုဝင်ဘာ ၂၀ ရက်နေ့ နံနက် ၄နာရီ အချိန်ခန့်တွင် မိုးတားလေးကျေးရွာ တောင်ပေါ်ကျောင်းမှာတပ်ဆွဲထားသော စကစများ ထွက်သွားသည်ဟုသတင်းရရှိသဖြင့် KIAနဲ့ ကသာPDF လှုပ်ရှားသော ကသာပကဖအဖွဲ့များစစ်ကြောင်းမှ လိုက်လံရှင်းလင်းတိုက်ခိုက်ခဲ့ကြောင်း katha revolution က ထုတ်ပြန်သည်။
မွန်းလွဲ ၂နာရီခန့်တွင် ကသာမြို့နယ်ချောင်းဝကျေးရွာ နှင့် ဆင်ကုန်တိုင်ကျေးရွာကြား နှောတန်းတွင် စကစများစစ်ကြောင်းကို KIA+ကသာPDF. ကသာပကဖအဖွဲ့များမှ စတင်၍ လက်နက်ကြီး၊ လက်နက်ငယ်များဖြင့် ပစ်ခတ်နိုင်ခဲ့ပြီး စကစများ၏ အကျအဆုံးများမသိရသေးဘူလို့ ၎င်းကဆက်လက် ထုတ်ပြန်သည်။
"ကျွန်တော်တို့ သတင်းရတာနဲ့ ဒေသခံ ပြည်သူတွေကသွားရာလမ်းကြောင်းကို တဆင့် တဆင့် သတင်းပေးကြတော့ ဖြတ်ပြီး လက်ဦးမှုယူ တိုက်ခဲ့ကြတာပါ။ လက်နက်ကြီးတွေလဲ ပစ်နိုင်ခဲ့တယ်။ တစ်ဖက်ရွာနားမှာ သူတို့တပ်ရှိနေတော့ မိမိဘက် ထိခိုက်မှု မရှိအောင်လဲ တပ်ဆုပ်နိုင်ခဲ့ပါတယ်။ ရန်သူဖက်တော့ အနည်းဆုံး ၅ယောက် ထက်မနည်း ကျမှာပါ၊ ဒဏ်ရာတော့ တော်တော်ရကြမယ်ထင်ပါတယ်"ဟုကသာPDFက ဆိုသည်။
ကသာပြည်သူ့ကာကွယ်ရေးတပ်ဖွဲ့နဲ့ ထိတွေ့တိုက်ပွဲရင်ဆိုင်နေရသည့်တပ်မှာ တပ်မ ၈၈ လက်အောက်ခံ တပ်ရင်း ၄၁၆ ဖြစ်ပြီး ၁၈.၁၁.၂၀၂၁ ရက်နေ့က ၎င်းတပ်မှ တပ်သား ၃ ဦး ထွက်ပြေးလာပြီး ကသာPDF ကစောင့်ရှောက်ထားတယ်လို့ သိရပါတယ်။
တပ်ရင်း ၄၁၆တပ်မှာအင်အားအလွန်နည်းပါးနေပြီဖြစ်ပြီးယခု အချိန်မှာခန့်မှန်းအင်အား ၅၇ ယောက်သာရှိတော့ကြောင်း Katha Revolution ကထုတ်ပြန်ထားသည်။
Zayartime Media-ဇေယျာတိုင်း မီဒီယာ
Reviewed by THITHTOOLWIN
on
20:22
Rating:
No comments:
Post a Comment