လှိုင်သာယာ၊ ၁၀ ရပ်ကွက်မှ အာဏာရှင်ကို ခေတ်အဆက်ဆက်ထောက်ခံ၍၊ ပြည်သူကိုဒုက္ခပေးနေသူ ဘင်လာဒင် ပစ်သတ်ခံရ

 (နိုဝင်ဘာ ၁၇ ရက်)

လှိုင်သာယာ၊ အမှတ် ၁၀ ရပ်ကွက်မှ၊ စစ်ကောင်စီသတင်းပေးအဖြစ် ကျော်ကြားသူ ရပ်ကျေးအဖွဲ့ဝင်  ဘင်လာဒင်(ခေါ်) ကျော်မင်းဦး နိုဝင်ဘာ ၁၇ ရက်နေ့ မနက် ၈:၃၀ ဝန်းကျင်က ဆင်ဖြူရှင်လမ်းမကြီးပေါ်တွင် ပစ်သတ်ခံလိုက်ရကြောင်း သိရသည်။ 

“အဲ့ ဘင်လာဒင်က မကောင်းတဲ့ နေရာမှန်သမျှ နာမည်ကျော်တဲ့သူပါ .. သူက အခုမှဒလံလုပ်တာ မဟုတ်ဘူး ဟိုးအရင်ကတည်းက လုပ်တာ” ဟု မြို့နေပြည်သူတစ်ဦးမှ HTY Info သို့ပြောသည်။

ဒါပြင် “ဘင်လာဒင်က အာဏာရှင်လက်ထက်ထဲက ဂေါင်းလုပ်စားနေတာပါ။ ပြည့်တန်ဆာကောင်မလေးတွေဆီကအနိုင်ကျင့်ဗိုလ်ကျစားသောက်ပြီး ရဲတွေအတွက်လိုင်းကြေးကောက်ပေးနေသူပါ” ဟုလည်းဆိုပါသည်။

အဆိုပါ ပစ်ခတ်မှုကို Gods of Death (G.O.D) အဖွဲ့မှ ပြုလုပ််ခဲ့ခြင်းဖြစ်ပြီး  “ ဘယ်လောက်ဆိုးတယ်ဆိုတာတော့ ထွေထွေထူးထူးပြောစရာလိုမယ်မထင်ပါဘူး အာဏာရှင်ကို ခေတ်အဆက်ဆက်ထောက်ခံလာသူဖြစ်ပါတယ် သူ့ကြောင့်ပဲ အပြစ်မရှိတဲ့ပြည်သူတွေ ဖမ်းဆီချုပ်နှောင်ခံရတာတွေရှိသလို ဖိနှိပ်ခံနေရတဲ့ ပြည်သူတွေလည်းမြောက်များစွာ ရှိပါတယ်” ဟု Gods of Death (G.O.D) အဖွဲ့၏တာဝန်ရှိသူမှ HTY Info သို့ အသိပေးပြောကြားခဲ့ပါသည်။

ပစ်ခတ်ခံရပြီးနောက် နေရာတွင်ပင်သေဆုံးသွားပြီး၊ ၎င်းတို့ဘက်မှ ဖယ်ရီကားဖြင့် အလောင်းကိုလာရောက်သယ်ဆောင်သွားသည်ဟု လည်းသိရှိရပါသည်။

HTY Information