နတ်မောက်မြို့မဈေး မီးလောင်
နတ်မောက်၊ နိုဝင်ဘာ ၁၃၊ ၂၀၂၁။
မကွေးတိုင်း၊ နတ်မောက်မြို့ရှိ နတ်မောက်မြို့မဈေးမှာ နို၀င်ဘာ ၁၃ ရက် ဒီကနေ့ည ၉ နာရီလောက်ကစပြီး မီးလောင်မှုဖြစ်ပွားခဲ့တယ်လို့ ဒေသခံတွေဆီက သိရပါတယ်။
"၉ နာရီကျော်ကျော်ကမီးစလောင်တာပါ။ မီးလောင်တာ တော်တော်ကြာပါပြီ၊ မြို့မဈေးရဲ့မြောက်ဘက်အလယ်ပေါက်က စလောင်တာပါ။" လို့ ဒေသခံတဦးက ပြောပါတယ်။
လက်ရှိအချိန်မှာ ဈေးအတွင်းမီးကူးတာများလာနေပြီး မီး၀င်ငြိမ်းတဲ့သူတွေကိုလည်း စစ်တပ်က ပစ်မယ်လို့ ပြောထားတာကြောင့် ဘယ်သူမှမ၀င်ရဲကြဘူးလို့ ဒေသခံတဦးက ပြောပါတယ်။
မီးလောင်းမှုကြောင့် ထိခိုက် သေဆုံးမှုနဲ့ ပစ္စည်းဆုံးရှူံးမှုတွေကိုတော့ မြေလတ်အသံအနေနဲ့ ဆက်လက်စုံစမ်းနေပါတယ်။
မြေလတ်အသံ - Myaelatt Athan
---------------------------------------------------------------
နတ်မောက် မြို့မဈေး မီးညွှန့်ကျိုးပြီး မီးထိန်းနိုင်သွားဟုဆို
နတ်မောက်၊ နိုဝင်ဘာ ၁၃၊ ၂၀၂၁။
မကွေးတိုင်း နတ်မောက်မြို့ မြို့မဈေးမီးလောင်ကျွမ်းမှုည ၁၁နာရီ ခွဲလောက်မှာ မီးညွှန့်ကျိုးပြီး မီးထိန်းနိုင်သွားပြီ ဖြစ်တယ်လို့ ဒေသခံတွေ ဆီက သိရပါတယ်။
ဒီနေ့ ည ၉နာရီခွဲက စပြီးလောင်းခဲ့တဲ့ နတ်မောက်မြို့မဈေးရဲ့ ၄ပုံ ၃ပုံလောက်က မီးလောင်ကျွမ်းသွားခဲ့ပြီး မီးညွှန့်ကျိုးသွားပေမယ့် မီးအားလုံးမငြိမ်းသေးဘူးလို့ ဒေသခံတွေ ဆီက သိရပါတယ်။
"ဈေးအလယ်တောင်မြောက်လမ်းအရှေ့ဘက်အတွင်းဘက်တစ်ခြမ်းလုံးလောင်ကျွမ်းပြီးအပြင်တိုက်ခန်းတွဲဆိုင်ခန်းများလွတ်ပါတယ်" လို့ ပြောပါတယ်။
နတ်မောက်မြို့နယ်မီးသတ်စခန်းက မီးသတ်ယာဉ် ၄ စီး၊ မြို့သစ်မြို့နယ်မီးသတ်စခန်းက မီးသတ်ယာဉ် ၂ စီး၊ တောင်တွင်းကြီးမြို့နယ်မီးသတ်စခန်းက မီးသတ်ယာဉ် ၂ စီး၊ မကွေးမီးသတ်ကား ၁ စီးနဲ့ မီးသတ်နေတာဖြစ်တယ်လို့ သိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
07:40
Rating:
No comments:
Post a Comment