ပခုက္ကူ၊ နိုဝင်ဘာ ၁၉၊ ၂၀၂၁။
ပခုက္ကူမြို့နယ်မှာ ကင်းလှည့်လာတဲ့ စစ်ကောင်စီတပ်သားတွေက ရွာသားတစ်ဦးကို သေနတ်နဲ့အကြောင်းမဲ့ပစ်သတ်သွားတယ်လို့ ဒေသခံတွေဆီကသိရပါတယ်။
မကွေးတိုင်း၊ ပခုက္ကူမြို့နယ်၊ ကျပ်တိုးကျေးရွာအုပ်စု၊ အနောက်တောကျေးရွာက ကိုမြင့်၀င်းဖြစ်ပြီး နို၀င်ဘာ ၁၈ရက် ယမန်နေ့ည ၉နာရီလောက်မှာ ကင်းလှည့်လာတဲ့စစ်ကောင်စီတပ်သားတွေက သေနတ်နဲ့ပစ်သတ်လိုက်တာလို့ ဒေသခံတစ်ဦးကပြောပါတယ်။
" သူကဘာမှမလုပ်ပါဘူး၊ သာမန်အရပ်သားပါ၊ တစ်ခြားဘယ် အဖွဲ့အစည်းနဲ့မှလည်း ပတ်သက်မှုမရှိပါဘူး၊ အကြောင်းမဲ့ပစ်သတ်သွားတာပါ၊ ရွာကလူတွေလည်း ပြေးနေကြရပါတယ် " လို့ဒေသခံတဦးက ပြောပါတယ်။
စစ်တပ်က ခုလိုအကြောင်းမဲ့ပစ်သတ်တာတွေလုပ်နေတာကြောင့် ရွာသားတွေအနေနဲ့လည်း သူတို့ရဲ့အသက်အန္တရာယ်ကိုစိုးရိမ်ကာ ဘေးလွတ်ရာကိုရှောင်တိမ်းနေကြရတယ် ဒေသခံတစ်ဦးက ဆက်ပြောပါတယ်။
" တစ်ရွာလုံးနီးပါးကNLDဝန်းရံကြတာပါ၊ အဲဒါစစ်ကောင်အဖွဲ့တွေကအဲဒီရွာကလူတွေကိုအငြိုးကြီးပြီးလုပ်နေတာပါ၊ ယခု တစ်ရွာလုံးနီးပါးထွက်ပြေးနေရပါတယ် " လို့ ပြောပါတယ်။
အနောက်တောရွာမှာ အိမ်ခြေ ၆၀၀ နဲ့ လူဦးရေ ၁၅၀၀ကျော်ရှိပြီး အများစုက NLD ထောက်ခံသူတွေဖြစ်ကြတယ်လို့လည်းသိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
17:10
Rating:
No comments:
Post a Comment