မြန်မာအတွက် အမေရိကန်အကူအညီ နိုင်ငံတကာ အန်ဂျီအိုတွေက တစ်ဆင့် ‌ပေးမည်



Share/Bookmark

မြန်မာအတွက် အမေရိကန်အကူအညီ နိုင်ငံတကာ အန်ဂျီအိုတွေက တစ်ဆင့် ‌ပေးမည် ကုလသမဂ္ဂဆိုင်ရာ အမေရိကန်သံအမတ်ကြီး Linda Thomas-Greenfield ။ Photo: Reuters

အမေရိကန်ပြည်ထောင်စုကပေးမယ့် လူသားချင်း စာနာထောက်ထားမှု အကူအညီ ဒေါ်လာသန်း ၅၀ ကျော်ကို ကုလသမဂ္ဂ လက်အောက်ခံအဖွဲ့အစည်းတွေ၊ နိုင်ငံတကာ အန်ဂျီအိုတွေကတစ်ဆင့် မြန်မာပြည်သူတွေကို တိုက်ရိုက်ပေးအပ်သွားမယ်လို့ ထိုင်းနိုင်ငံကို ရောက်ရှိနေတဲ့ ကုလသမဂ္ဂဆိုင်ရာ အမေရိကန်သံအမတ်ကြီး Linda Thomas-Greenfield က ပြောလိုက်ပါတယ်။

ဩဂုတ် ၁၁ ရက် ဒီနေ့ နေ့လယ်ပိုင်းက တယ်လီကွန်ဖရင့်စနစ်နဲ့ ပြုလုပ်တဲ့ သတင်းစာရှင်းပွဲမှာ မြန်မာနိုင်ငံနဲ့ပတ်သက်လို့ အမေရိကန်သံအမတ်ကြီး Thomas-Greenfield က အခုလို ပြောခဲ့တာပါ။

မြန်မာနိုင်ငံတွင်းက ဘေးအန္တရာယ် ကြုံတွေ့နေရသူတွေနဲ့ ဒုက္ခသည်တွေအတွက် လူသားချင်း စာနာထောက်ထားမှုအကူအညီတွေ၊ ကယ်ဆယ် ကာကွယ်စောင့်ရှောက်ရေး အကူအညီ‌တွေကို နိုင်ငံတကာ အဖွဲ့အစည်းတွေကတစ်ဆင့် ပေးအပ်သွားမယ်လို့ ဆိုပါတယ်။ ဒီရန်ပုံငွေတွေကို ထိုင်း-မြန်မာနယ်စပ်အပါအ၀င် ပြည်သူတွေရဲ့ လိုအပ်ချက်နဲ့ Covid ကပ်ရောဂါ ထိန်းချုပ်ရေးအတွက် အသုံးပြုမယ်လို့လည်း ပြောပါတယ်။

ဒီသတင်းစာရှင်းလင်းပွဲ မလုပ်ခင်လေးမှာပဲ နိုင်ငံတကာအန်ဂျီအိုတွေနဲ့ တွေ့ဆုံပြီး မြန်မာနိုင်ငံတွင်းမှာ အကူအညီတွေပေးဖို့ ကိစ္စကို ဆွေးနွေးခဲ့တယ်လို့ သံအမတ်ကြီး Thomas-Greenfield က ပြောဆိုသွားပါတယ်။

ထိုင်းနိုင်ငံဆိုင်ရာ အမေရိကန်သံရုံးက ဒီနေ့ထုတ်ပြန်ချက် တစ်စောင်မှာတော့… သံအမတ်ကြီး Thomas-Greenfield ဟာ ထိုင်းဒု-ဝန်ကြီးချုပ် နိုင်ငံခြားရေးဝန်ကြီး Don Pramudwina နဲ့ ဒီနေ့တွေ့ဆုံခဲ့ပြီး မြန်မာနိုင်ငံက စစ်အာဏာသိမ်းမှုကြောင့် လူသားချင်း စာနာထောက်ထားမှုဆိုင်ရာ အခြေအနေတွေ ဆိုးဝါးလာနေတာနဲ့ ဒေသတွင်းတည်ငြိမ်မှု ထိခိုက်လာနိုင်တဲ့အပေါ် စိုးရိမ်ကြောင်း ပြောကြားခဲ့တယ်လို့ ဖော်ပြထားပါတယ်။


RFA Burmese

https://www.rfa.org/burmese/news/us-thomas-greenfield-08112021082516.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ