ရန်ကုန် အင်းစိန်အကျဉ်းထောင် ရှေ့ လုံခြုံရေးယူနေတဲ့ ရဲတပ်ဖွဲ့ဝင်များ ( ဧပြီလ ၁၇၊ ၂၀၂၀) |
အင်းစိန်ထောင်နဲ့ တခြားထောင်တွေကို သွားပြီးလေ့လာဖို့နဲ့ လုပ်ငန်းတွေ ပြန်စတင်နိုင်ဖို့ အကျဉ်းထောင် တာဝန်ရှိသူတွေနဲ့ ဆက်ပြီး ဆွေးနွေးနေတယ်လို့ အပြည်ပြည်ဆိုင်ရာ ကြက်ခြေနီအဖွဲ့ (ICRC) က ပြောပါတယ်။
ဒီလုပ်ဆောင်မှုတွေဟာ လူသားချင်း စာနာထောက်ထားမှု သက်သက်အနေနဲ့သာ ဖြစ်တယ်လို့လည်း ICRC ရဲ့ ဒီကနေ့ထုတ်ပြန်ချက်မှာ ဖော်ပြထားပါတယ်။
အင်းစိန်ထောင်မှာ ထိန်းသိမ်းခံထားရသူတွေ မနေ့က ကြွေးကျော်သံတွေ အော်ဟစ်ပြီး ဆန္ဒပြခဲ့ပြီးတဲ့နောက် ICRC ရဲ့ ဒီကနေ့ထုတ်ပြန်ချက် ထွက်လာတာပါ။
ICRC က အကျဉ်းထောင် သွားလေ့လာတာနဲ့ အကူအညီပေးလုပ်ငန်းတွေကို COVID-19 ရောဂါ စဖြစ်ချိန်ကတည်းက ရပ်ထားရပြီး အကျဉ်းချထားတဲ့နေရာတွေမှာ COVID-19 ရောဂါနဲ့ အထွေထွေကျန်းမာရေးဆိုင်ရာ အကူအညီတွေ ထောက်ပံ့ ပေးအပ်နိုင်ဖို့အတွက်လည်း ထပ်ပြီး ကမ်းလှမ်းထားပါတယ်။
မြန်မာနိုင်ငံ အကျဉ်းထောင်တွေမှာ လက်ရှိဖြစ်နေတဲ့ အခြေအနေတွေနဲ့ပတ်သက်လို့ လတ်တလော ထုတ်ပြန်ထားတဲ့ သတင်းအချက်အလက်တွေကို ICRC က အနီးကပ် စောင့်ကြည့်နေပြီးတော့ အကျဉ်းထောင်တွေအပါအဝင် မြန်မာနိုင်ငံမှာ COVID-19 ရောဂါကြောင့် ထိခိုက်ခံစားရတာတွေ မြင့်တက်လာနေတဲ့အပေါ် အထူးစိုးရိမ်တဲ့အကြောင်း ICRC ထုတ်ပြန်ချက်မှာ ဖော်ပြထားပါတယ်။
ဗွီအိုအေ (မြန်မာဌာန)
https://burmese.voanews.com/a/myanmare-prisons-icrc-jail-riot-protest-insein-/5977658.html
No comments:
Post a Comment