ဆီးဒင်ယန် စစ်​​ကောင်စီ တပ်စခန်းကို ​ကေအိုင်​အေ ဝင်တိုက် စစ်​ကောင်စီစစ်သားနှစ်ဦး​ သေကာ စခန်းမီးရှို့ခံရ



Share/Bookmark

31 July 2021 - Kachinwaves 

ကချင်ပြည်နယ် နမ္မတီးမြို့ ဆီးဒင်ယန် ကျေးရွာအနီးက စစ်ကောင်စီတပ်စခန်းကို ကေအိုင်အေ ဝင်တိုက်ခိုက်ခဲ့ကာ စစ်​ကောင်စီစစ်သားနှစ်ဦးကျပြီး စခန်းကိုလည်း မီးရှို့ဖျက်ဆီး ခံခဲ့ရ​ကြောင်း သတင်းရရှိသည်။ 

လက်နက်အချို့လည်း သိမ်းဆည်းရမိသည်ဟု ကြားရ​ကြောင်း ​ဒေသခံတစ်ဦးကဆိုသည်။ 

အဆိုပါ တပ်စခန်းကို ယ​​နေ့နံနက်ပိုင်း ​ကေအိုင်​အေ မှ သွားတိုက်ခဲ့ပြီး နံနက် ၄ နာရီက​​နေ ၆ နာရီခန့်ထိ တိုက်ပွဲဖြစ်ပွားခဲ့ခြင်းဖြစ်သည်။ 

စစ်ကောင်စီတပ်ဖွဲ့ဝင်များ ရမ်းသန်းပစ်ခတ်သည့် လက်နက်ကြီး​ထိကာ အသက် ၅၀ ကျော်အရွယ် ​ဒေသခံဖြစ်သူဦးမိုး​ကျော် သေဆုံး​ခဲ့ရ​ကြောင်းလည်း ​ဒေသခံတစ်ဦးကဆိုသည်။ 

ဇူလိုင် ၃၀ ရက် နံနက်ပိုင်းကလည်း ဝိုင်း​​​မော်မြို့၊ မိုး​ကောင်းမြို့ စသည့် အနီးဝန်းကျင်ရှိ စစ်​ကောင်စီ တပ်စခန်းနေရာများကို ​ကေအိုင်​အေ မှ ဝင်​ရောက် တိုက်ခိုက်ခဲ့သည်။


Kachinwaves 

https://www.facebook.com/kachinwavesnews



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ