ကရင်နီပြည်နယ် ဒီးမော့ဆိုမြို့နယ် အရှေ့ဖက်ခြမ်းမှာ ယနေ့ (ဇွန်လ ၁၁ ရက်နေ့) မွန်းလွဲပိုင်း ၂ နာရီအချိန်ကနေ ညနေ ၇ နာရီအထိ တိုက်ပွဲပြင်းထန်ဆဲဖြစ်ပြီး စစ်ဘေးရှောင်ပြည်သူများ ဘေးလွတ်ရာကို ထပ်မံ တိမ်းရှောင်နေရတယ်လို့ ဒေသခံပြည်သူတစ်ဦးက ပြောပါတယ်။
“၂ နာရီဝန်းကျင်လောက်က စပစ်တာကြာပြီ အခုထိပဲ။ လက်နက်ကြီး၊ လက်နက်ငယ်သံတွေလည်း ဆက်တိုက်ကြားနေရတယ်။ ပစ်ခတ်မှု မရှိတဲ့ကျေးရွာတွေဘက်ကိုလည်း လက်နက်ကြီးတွေ ရမ်းသမ်းပစ်ခတ်နေတယ်။ အနီးနားထိ လက်နက်ကြီးတွေကျတယ်။ “ လို့ သူက ပြောပါတယ်။
၎င်းတိုက်ပွဲမှာ KNDF နဲ့ အကြမ်းဖက် စစ်ကောင်စီတပ်တို့ အပြန်အလှန် ပစ်ခတ်မှု ဖြစ်ပွားပြီး မြေပြင်အခြေအနေ အသေးစိတ်ကိုတော့ မသိရှိရသေးပါဘူး။
ကရင်နီပြည်နယ်မှာ တိုက်ပွဲကြောင့် အိုးအိမ်စွန့်ခွာရသူ တစ်သိန်းဝန်းရှိနေပြီဖြစ်ပြီး ဒီးမော့ဆိုမြို့နယ်က စစ်ဘေးရှောင်သူ ဦးရေ အများဆုံးမြို့နယ်လည်း ဖြစ်တယ်လို့ သိရပါတယ်။
Kantarawaddy Times
No comments:
Post a Comment