4 June 2021-Kachinwaves
ကချင်ပြည်နယ် တနိုင်းမြို့နယ်ရှိ ကေအိုင်အေ တပ်မဟာ(၂) တပ်ရင်း (၁၄)နယ်မြေ ဒရူ ကျေးရွာနား တလူးရွှေမှော်ကို စစ်ကောင်စီတပ်များ ဇွန်၃ရက်နေက ဂျက်လေယာဥ်များဖြင့် ဇွန် ၃ ရက်နေ့ နေ့လယ် ၁၂နာရီခွဲခန့်တွင် ဗုံးလာပစ်ပေးသည့်အတွက် ဒေသခံတစ်ဦး သေဆုံးခဲ့ရသည်။
အဆိုပါ ရွှေမှော်သည် ရွှေမျောစက်ဆိုင်းပေါင်း ၄၀၀ နဲ့ ၅၀၀ ကြားမှာရှိ ပြီး စစ်ကောင်စီ လက်နက်ကိုင်တွေ ငွေအမြောက်အများ ဝင်နေသည့် ရွှေမှော်လည်းဖြစ်ကြောင်း သိရသည်။
မေ ၂၇ ရက် မတိုင်ခင် အထိ စစ်ကောင်စီ လက်နက်ကိုင်တွေက ထိုင်နေတာဖြစ်သော်လည်း လက်ရှိ အချိန် ကေအိုင်အေက ပြန်လည် နေထိုင်နေတာကို စစ်ကောင်စီက လေယာဥ်ဖြင့် ပြန်လည် တိုက်ခိုက်နေခြင်းဖြစ်သည်။
" တလူးရွှေမှော် စျေးတန်းထဲက အန်တီကြီး တစ်ယောက် ဗုံကြဲတဲ့အထဲ ပါသွားတယ်။ တလူးစျေးတန်း ရွှေဥ ရွှေဆိုင်နဲ့ ဘေးက သွင်ခုံ ဆိုင် အဲဆိုင် ၂ဆိုင်ကြား ဗုံးကြတာသွင်ခုံဆိုင်က အန်တီ ဆုံးတာ"ဟု ဒေသခံ တစ်ဦးကဆိုသည်။
ဗုံးပေါက်ကွဲခြင်းကြောင့် ခင်ပွန်းဖြစ်သူ ဦးမောင်လွင်သည် ထိခိုက်ဒဏ်ရာရပြီး ဇနီးဖြစ်သူ ဒေါ်နီနိုင်မိုး အသက်(၄၃)နှစ်သည် ထိခိုက်ဒဏ်ရာပြင်းထန်၍ သေဆုံးခဲ့ရခြင်းဖြစ်သည်။
ရွှေဆိုင်တစ်ဆိုင်လည်း မီးလောင်သွားကြောင်းသိရသည်။
မေ ၂၉ ရက်နေ့မှာလည်း စစ်ကောင်စီ လက်နက်ကိုင်တွေက ဂျက်လေယာ ဥ် ၄စီးနဲ့ ဗုံးကြဲတိုက်ခိုက်ခဲ့သည့်အတွက် တလူး က စာသင်ကျောင်း ပျက်စီးသွားကြောင်း သိရသည်။
Kachinwaves
Reviewed by THITHTOOLWIN
on
21:36
Rating:
No comments:
Post a Comment