ချောက်ရေနံမြေ CDM အလုပ်သမား ၆၀၀ ကျော် အလုပ်ရပ်နားခံရ



Share/Bookmark
ဝန်ထမ်းတွေ CDM လှုပ်ရှားမှုမှာ ပါဝင်ဖို့ တောင်းဆိုတဲ့ ရန်ကုန်မြို့က ဆန္ဒပြမြင်ကွင်း။ (ဖေဖော်ဝါရီ ၁၅၊ ၂၀၂၁)

နိုင်ငံအနှံ့က အကြမ်းမဖက် အာဏာဖီဆန်နေကြတဲ့ အစိုးရဝန်ထမ်းတွေကို သက်ဆိုင်ရာ မြို့နယ်အလိုက် အာဏာပိုင်တွေရဲ့လက်မှတ်နဲ့ အလုပ်က ယာယီရပ်ဆိုင်းမှုတွေ ထုတ်ပြန်နေရာမှာ ချောက်ရေနံမြေ အလုပ်သမား ၆၀၀ ကျော်လည်း ရာထူးက ရပ်နားခံရပါတယ်။ ဒီလို ရာထူးက ရပ်ဆိုင်းခံရတဲ့အတွက် သူတို့တွေရဲ့ စားဝတ်နေရေး အခက်အခဲ အခြေအနေကို မခွါညို တင်ပြပေးထားပါတယ်။

ချောက်မြို့က ရေနံမြေအလုပ်သမား ၁,၀၀၀ ကျော်ရှိတဲ့အနက် အကြမ်းမဖက် အာဏာဖီဆန်ဆဲ ဝန်ထမ်း ၆၀၉ ဦးကို ရာထူးကရပ်စဲကြောင်း တရားဝင်ကြေညာချက် ထွက်လာပါပြီ။ ရေနံမြေအိမ်ရာတွေမှာပဲ မျိုးရိုးစဉ်ဆက် နေလာကြတဲ့ ဝန်ထမ်းတွေ ဖြစ်တာကြောင့် အခုလို ရာထူးက ရပ်ဆိုင်းခံရတဲ့အချိန်မှာ နေထိုင်ရေးနဲ့ပတ်သက်လို့ အလုပ်က ရပ်စဲခံရတဲ့ ချောက်ရေနံမြေက ရေနံကျွမ်းကျင်-၅ ဝန်ထမ်းတဦးက အခုလို ပြောပါတယ်။

“အခုအချိန်ထိတော့ ရင်းနှီးတဲ့အိမ်လေးတွေ၊ အိမ်ပိုင်ဝိုင်းပိုင်ရှိတဲ့ အပေါင်းအသင်းအိမ်လေးတွေ၊ ဆွေမျိုးအိမ်လေးတွေမှာ ဒီလိုပဲ အဆင်ပြေတဲ့လူက ကပ်နေရတယ်။ အဆင်မပြေတဲ့လူကတော့ ပေးထားတဲ့ လိုင်းခန်းလေးတွေမှာပဲ အတင်းအဓမ္မကြီး ဖိအားမပေးမချင်းလေးတော့၊ ဆွဲမချမချင်းလေးတော့ နေနေသေးတာပေါ့၊ မှေးနေသေးတာပေါ့။ Non-CDM မဖြစ်ဘဲ CDM ဖြစ်နေသေးတဲ့ ဝန်ထမ်းတွေအနေနဲ့ကတော့ ဆန္ဒပြပွဲတွေမှာ ပူးပေါင်းပါဝင် လုပ်ဆောင်နေပါသေးတယ်။”

ဒီနေ့မှာလည်း ချောက်မြို့မှာ ပြောက်ကျားသပိတ်ကို အချိန်တို ကျင်းပနိုင်ခဲ့ကြောင်းလည်း သူက ပြောပါတယ်။

ဖေဖော်ဝါရီလ ၁ ရက် စစ်အာဏာသိမ်းပြီး တပတ်အကြာ ဖေဖော်ဝါရီ ၈ ရက်ကစပြီး ချောက်ရေနံမြေ အလုပ်သမား ၁,၀၀၀ ကျော် တညီတညွတ်တည်း ဆန္ဒပြခဲ့ကြပေမယ့် အခုတော့ စားဝတ်နေရေး အခက်အခဲနဲ့ မိသားစုဝင်တွေကို နှောင့်ယှက်ခြိမ်းခြောက်မှုတွေ ရှိနေတဲ့ သတင်းတွေကြောင့် အလုပ်ပြန်ဝင်နေကြရသူတွေလည်း ရှိနေတယ်လို့ သူက ပြောပါတယ်။

“CDM ဖြုတ်သွားတာတော့ ၄၀၀ ကျော် ပါသွားပါပြီခင်ဗျ။ ၅၀၅(ဃ) လို့ခေါ်တဲ့ ဖမ်းမယ်၊ ဆီးမယ်။ မိသားစုတွေကို ဒုက္ခပေးမှာ ကြောက်ကြတယ်။ နေ့လည်း ကောင်းကောင်းမအိပ်ရ၊ ညလည်း ကောင်းကောင်းမအိပ်ရ၊ ဘယ်အချိန်ဝင်ဆွဲမယ်မှန်းလည်း မသိလည်း ဖြစ်ကြတယ်။ အဓိကကတော့ ကြောက်တဲ့စိတ် တခုတည်းနဲ့ ထွက်သွားကြတာပါ။ လုံခြုံစိတ်ချရမှု ဆိုတာကတော့ မရှိဘူးပေါ့ဗျာ။ ဘယ်အချိန်လာဆွဲမယ်၊ ဘယ်အချိန်အရေးယူမယ် ဆိုတာကို ဘယ်သူမှ မသိဘူး။ နေစရာက အခက်အခဲဖြစ်၊ စားဖို့သောက်ဖို့က အခက်အခဲဖြစ်တော့ ဖမ်းမှာဆီးမှာလည်း စိုးရိမ်ရတယ်၊ ဘယ်ကမှလည်း အာမခံချက်က မရှိဘူး ဖြစ်နေတယ်ခင်ဗျ။ ကျနော်တို့ကလည်း ဒီတိုက်ပွဲကို အဆုံးထိ တိုက်ပွဲဝင်ပေးသွားမယ်လို့ ဒီနေရာကနေ ပြောပါတယ်ခင်ဗျ။”

ချောက်ရေနံမြေမှာ ဌာနပေါင်းစုံက ရေနံဝန်ထမ်းအင်အား ၁,၀၀၀ ကျော်မှာ လက်ရှိ အကြမ်းမဖက် အာဏာဖီဆန်ဆဲ အလုပ်သမား ၆၀၉ ဦး ရှိနေဆဲဖြစ်ပြီး ၄၀၀ ကျော်ကတော့ စားဝတ်နေရေး အခက်အခဲတွေကြောင့် အလုပ်ပြန်ဆင်းကြပါတယ်။ လောလောဆယ်မှာ ချောက်မြို့ မူလတန်းကနေ အထက်တန်းပြအထိ ဆရာ ဆရာမတွေနဲ့ ပညာရေးဝန်ထမ်း စုစုပေါင်း ၄၈၉ ဦးကိုလည်း မေလ ၁၁ ရက်နေ့စွဲနဲ့ နိုင်ငံ့ဝန်ထမ်းနည်းဥပဒေ (၁၆၁) နည်းဥပဒေခွဲ (ဃ)၊ နည်းဥပဒေ (၁၇၀)၊ နည်းဥပဒေခွဲ (က) တို့အရ လုံလောက်တဲ့ အကြောင်းပြချက်မရှိဘဲ ခွင့်မဲ့ပျက်ကွက်ခဲ့တဲ့အတွက်ဆိုပြီး ညွှန်ကြားရေးမှူး ဒေါက်တာချိုချိုမြတ်အောင်ရဲ့ လက်မှတ်နဲ့ အလုပ်ကရပ်စဲကြောင်း အမိန့်စာ ထွက်ထားပါတယ်။

ချောက်မြို့က အကြမ်းမဖက် အာဏာဖီဆန်နေတဲ့ မြန်မာ့ရေနံနဲ့ သဘာဝဓာတ်ငွေ့ဌာန MOGE၊ ချောက်ရေနံချက်စက်ရုံနဲ့ တခြားရေနံဌာနတွေက အလုပ်ရပ်နားခံရတဲ့ ဝန်ထမ်း စုစုပေါင်းကတော့ ၆၀၉ ဦး ရှိပါတယ်။

မြန်မာ့ရေနံနဲ့ သဘာဝဓာတ်ငွေ့က ဝန်ထမ်းတွေကို အလုပ်ရပ်နားစာမှာတော့ ၆ လအတွင်း အယူခံဝင်နိုင်ကြောင်း ဖော်ပြထားပါတယ်။


မခြါညိဳ/ VOA Burmese

https://burmese.voanews.com/a/chauk-moge-cdm/5891744.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ