ထိုင်းကိုပို့တဲ့ ဓာတ်ငွေ့ပိုက်လိုင်းကနေ တိုတယ် အတွက် အမြတ် ၉၇ % အထိ ရှိနေ



Share/Bookmark

 

ပိုက်လိုင်းကနေ အမြတ် ၉၇% ရှိနေ

မုတ္တမကမ်းလွန်ပြင် ရတနာ သဘာ၀ဓာတ်ငွေ့ လုပ်ကွက်တွေကနေ ဓာတ်ငွေ့ တူးဖော်ပြီး ထိုင်းကို ပိုက်လိုင်းကနေ တင်သွင်းတဲ့ လုပ်ငန်းဟာ နိုင်ငံခြား ကုမ္ပဏီကြီးတွေ အတွက် အမြတ်မတန်တဆ ရနေပြီး၊ မြန်မာပြည်အတွက် အကျိုးရှိမှုက ပြောပလောက်ဖွယ် မရှိကြောင်း ဖော်ပြနေတဲ့ ငွေကြေး ဆိုင်ရာ စာရွက်စာတမ်းတွေ ပေါက်ကြားလာခဲ့ပါတယ်။

အဲဒီ စာရွက်စာတမ်းတွေကို ကိုးကားပြီး Justice for Myanmar အဖွဲ့က အစီရင်ခံစာ ထုတ်ပြန်တာမှာ ၂၀၁၇ ကနေ ၂၀၁၉ ကြား ဓာတ်ငွေ့ပိုက်လိုင်း လုပ်ငန်းကနေ အခွန်မဆောင်မှီ အမြတ်ငွေ အမေရိကန်ဒေါ်လာ ၁.၂၃ ဘီလီယံ ရှိတယ်လို့ ဆိုပါတယ်။ ကုန်ကျစားရိတ် ဒေါ်လာ ၂၂.၃ သန်းပဲ ရှိတာဖြစ်လို့ အမြတ်အစွန်း ပမာဏ ၉၇% အထိ ကြီးကြီးမားမား ရတာ ဖြစ်ပါတယ်။

ရတနာ ကမ်းလွန် သဘာ၀ဓာတ်ငွေ့ တူးဖော်မှုနဲ့ ဓာတ်ငွေ့ပိုက်လိုင်း လုပ်ငန်းတွေကို ပြင်သစ် တိုတယ် ရေနံကုမ္ပဏီက တာ၀န်ယူ ကြီးကြပ်လုပ်ဆောင်နေတာ ဖြစ်ပြီး၊ အမေရိကန် ရှဗရွန်၊ ထိုင်းအစိုးရပိုင် PTT၊ မြန်မာအစိုးရပိုင် MOGE တို့လည်း ရှယ်ယာ အသီးသီး ပါ၀င်ပါတယ်။ (တိုတယ်၃၁.၂ %၊ ရှဗရွန် ၂၈.၃%၊ PTT ၂၅.၅%၊ MOGE ၁၅%)

ပိုက်လိုင်းကနေ အမြတ် ၉၇% ရှိနေတယ်လို့ ဖော်ပြနေချိန်မှာ၊ ကမ်းလွန် လုပ်ကွက်တွေက အမြတ် ၁၃% ပဲ ရှိတယ်လို့ ပေါက်ကြားလာတဲ့ တိုတယ်ရဲ့ စာရွက်စာတမ်းတွေကနေ ဖော်ပြနေတယ်လို့ JfM အဖွဲ့ကထောက်ပြပါတယ်။

ရင်းနှီးမြှုပ်နှံထားတဲ့ အဲဒီကုမ္ပဏီတွေ အတူတူချင်းပဲ လုပ်ကိုင်နေတဲ့ လုပ်ငန်း အစိတ်အပိုင်း ၂ ခု ရှိတာမှာ၊ တူးဖော်တဲ့ နေရာက ရရှိတဲ့ အမြတ် ရာခိုင်နှုန်းနဲ့ ပိုက်လိုင်း လုပ်ငန်းက ရတဲ့ အမြတ် ရာခိုင်နှုန်း မတန်တဆ ကွာခြားနေတာကြောင့် ငွေကြေးဆိုင်ရာ စီးဆင်းမှုတွေကို တရား၀င် မဖော်ပြတာမျိုးတွေ ရှိနေနိုင်တဲ့ လက္ခဏာ ဖြစ်တယ်လို့ လည်း JfM က ဆိုပါတယ်။

တိုတယ်ရဲ့ မေလ ၄ ရက်၊ ၂၀၂၁ ထုတ်ပြန်ချက်မှာတော့ ရတနာ M5 နဲ့ M6 လုပ်ကွက်တွေကနေ ၂၀၂၀ အတွက် ပေးတဲ့ အခွန် ဒေါ်လာ ၂၈.၁ သန်း ရှိတယ်၊ မူမှန်မဟုတ်တဲ့ အမြတ်အစွန်းတွေ ဆိုတာ မရှိဘူး၊ အမြတ်ဆိုတာ ဓာတ်ငွေ့ ပေါက်စျေးပေါ်မူတည်ပြီး ထိုင်းအစိုးရက သဘောတူ ပေးချေတဲ့ ပမာဏအပေါ်မူတည်တယ်၊ ရတနာ ဓာတ်ငွေ့လုပ်ငန်းနဲ့ ပတ်သက်ပြီး စာချုပ်စချုပ်ကတည်းက အဲဒီအချိန်က မြန်မာဘက်က တာ၀န်ရှိသူတွေရဲ့ သဘောတူမှုနဲ့ ချုပ်ဆို လုပ်ကိုင်ခဲ့တာ ဖြစ်ပြီး၊ နောက်မြန်မာ အစိုးရ အဆက်ဆက်လည်း အဲဒီ သဘောတူမှုကို လက်ခံပြီး ဒီကနေ့ အထိ လက်တွဲ လုပ်ကိုင်ခဲ့တာ ဖြစ်တယ်လို့ ဆိုထားပါတယ်။

ကမ်းလွန် လုပ်ကွက်တွေက အမြတ် ၁၃% ရှိ


BBC Burmese

https://www.bbc.com/burmese/live/burma-56833883



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ