မြန်မာစစ်တပ်ကို လက်နက်ခဲယမ်းရောင်းချမှု ပိတ်ပင်ရေးတောင်းဆိုချက် မထည့်ဖို့ အာဆီယံ ၉ နိုင်ငံ တိုက်တွန်းတဲ့သတင်းထွက်လာ



Share/Bookmark
နေပြည်တော်က ဆန့်ကျင်ကန့်ကွက်ပွဲကို သေနတ်ကိုင်ဆောင်အသင့်အနေအထားနဲ့ စောင့်ဆိုင်းနေစဉ်။ (ဖေဖေါ်ဝါရီ ၂၆၊ ၂၀၂၁)

မြန်မာစစ်တပ်ကို လက်နက်ခဲယမ်းရောင်းချမှု ပိတ်ပင်ကန့်သတ်ရေး တောင်းဆိုတာမျိုးမလုပ်ဖို့ အရှေ့တောင်အာရှနိုင်ငံ ၉ နိုင်ငံက ကုလသမဂ္ဂကို တိုက်တွန်းထားတယ်လို့ Benar သတင်းဌာနရဲ့ သတင်းတပုဒ်မှာ ရေးထားပါတယ်။

Liechtenstein နိုင်ငံရဲ့ သံတမန်တဦးကိုကိုးကားပြီး ဝါရှင်တန်အခြေစိုက် RFA သတင်းဌာနရဲ့ မိတ်ဘက်သတင်းဌာနတခုဖြစ်တဲ့ Benar သတင်းဌာနက အဲဒီလိုရေးထားတာပါ။ မြန်မာနိုင်ငံဆိုင်ရာ ကုလသမဂ္ဂဆုံးဖြတ်ချက်မူကြမ်းတခုကို ပြင်ဆင်ရေးဆွဲနေတဲ့ နိုင်ငံတွေဆီ အာဆီယံ ၉ နိုင်ငံက ပေးပို့တဲ့စာထဲမှာ အဲဒီလိုတိုက်တွန်းထားတဲ့အကြောင်း Liechtenstein သံတမန်ကပြောပါတယ်။

ဆုံးဖြတ်ချက်မူကြမ်းထဲမှာထည့်မယ့် မြန်မာနိုင်ငံကို "လက်နက်ခဲယမ်းမျိုးစုံ တိုက်ရိုက် ဒါမှမဟုတ် သွယ်ဝိုက်ပြီးတော့ ထောက်ပံ့တာ၊ ရောင်းချတာ ဒါမှမဟုတ် လွှဲပြောင်းပေးတာကို ချက်ခြင်းရပ်ဆိုင်းရေး" ဆိုတဲ့ စာကြောင်းကို ဖယ်ရှားပေးဖို့ အာဆီယံ ၉ နိုင်ငံကပေးပို့တဲ့စာထဲမှာ ဖော်ပြထားတယ်လို့ Benar သတင်းဌာနရဲ့ သတင်းမှာ ဖော်ပြထားပါတယ်။

Liechtenstein နိုင်ငံရဲ့ ကုလသမဂ္ဂဆိုင်ရာ ဒုတိယ အမြဲတမ်းကိုယ်စားလှယ် Georg Sparber ကို ကိုးကားပြီး Benar သတင်းဌာနက ရေးထားတာဖြစ်ပြီး "စာထဲမှာ အကြောင်းပြချက် ပေးမထားဘူး" လို့ မစ္စတာ Sparber ကပြောပါတယ်။

ဒါနဲ့ပတ်သက်ပြီး မှတ်ချက်ပေးဖို့ Liechtenstein နိုင်ငံရဲ့ ကုလသမဂ္ဂဆိုင်ရာ ကိုယ်စားလှယ်အဖွဲ့ကို ရိုက်တာသတင်းဌာနက အီးမေးပို့မေးမြန်းခဲ့ပေမယ့် တုံ့ပြန်ချက်မရခဲ့ပါဘူး။

အင်ဒိုနီးရှားနိုင်ငံခြားရေးဌာန ပြောခွင့်ရတဦးက ဒီစာနဲ့ပတ်သက်ပြီး သူမသိတဲ့အကြောင်းနဲ့ အာဆီယံကိုမေးဖို့ ရိုက်တာသတင်းဌာနကိုပြောပါတယ်။ အာဆီယံပြောခွင့်ရတဦးကို မေးမြန်းခဲ့ပေမယ့် တုံ့ပြန်ချက်မရပါဘူး။

ကုလသမဂ္ဂအထွေထွေညီလာခံမှာ မြန်မာနိုင်ငံဆိုင်ရာ ဆုံးဖြတ်ချက်မူကြမ်းတခုကို ပြီးခဲ့တဲ့ သီတင်းပတ်က မဲခွဲဆုံးဖြတ်ဖို့ စီစဉ်ခဲ့ပြီးမှ ပြန်ရွှေ့ဆိုင်းထားတာဖြစ်ပြီး ထောက်ခံမှုပိုရဖို့ အခုလို ရွှေ့ဆိုင်းထားတာလို့ သံတမန်တချို့ကပြောပါတယ်။


ဗွီအိုအေ (မြန်မာဌာန)

https://burmese.voanews.com/a/asean-un-weapon-myanmar-coup-gen-z-/5907841.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ