May 15 - Kachinwaves
ယမန်နေ့ည ၇နာရီကျော်တွင် မြစ်ကြီးနားမြို့စီတာပူရပ်ကွက် တက္ကသိုလ်ကျောင်း အနောက်ဖက်လမ်းရှိ ရက္ကန်းသင်တန်းကျောင်းအကျော်လမ်းဆုံတွင် စစ်ကောင်စီလက်နက်ကိုင်စစ်သားသုံးဦးသည် ဝတ်စုံအပြည့်ဖြင့် သေနတ်များကိုင်ကာ လမ်းသွားလမ်းလာသူများကို သေနတ်ထောက်ပြီး ပိုက်ဆံများတောင်းကြောင်း သတင်းရရှိသည်။
"လည်ပင်းကို သေနတ်ထောက်ပြီး ဓားပြတိုက်တာပါ။ အရပ်ဝတ်နဲ့မဟုတ်ဘူး စစ်ဝတ်စုံ ဝတ်ထားပြီး သေနတ်ပါကိုင်ထားတယ် ကားရပ်ခိုင်းပြီး လည်ပင်းကို သေနတ်ထောက်ပြီး တောင်းပါတယ်ခင်ဗျ။ မပေးရင် ပစ်သတ်မယ်လို့လည်းပြောပါတယ်"ဟု ပိုက်ဆံတောင်းခံရသူက ပြောသည်။
မပေးလျှင်ပစ်သတ်မည်ဟု ခြိမ်းခြောက်သည့်အတွက် ကျပ် ၇သိန်းတန်ဖိုးရှိ ရွှေနှင့်ငွေ ၁သိန်းကျော် ပါသွားကြောင်း ထိုသူက ပြောသည်။
မိုးကောင်းမြို့နယ်ရှိ ကျောက်တောင်ဘက်တွင်လည်း စစ်ကောင်စီတပ်များက လမ်းသွားလမ်းလာပြည်သူများကို သေနတ်ထောက်ပြီး ပိုက်ဆံတောင်းခြင်းများ ရှိနေကြောင်း သိရသည်။
Kachinwaves
Reviewed by THITHTOOLWIN
on
21:08
Rating:
No comments:
Post a Comment