ယမန်နေ့နှင့်ယနေ့တွင် ကျောက်ထု၊မတူပီနှင့်မင်းတပ်မြို့ထဲတချို့နေရာကိုအခြေပြုပြီးစစ်ကောင်စီတပ်ဖွဲ့မှ စစ်တပ်အင်အား၁၀၀၀ ဝန်းကျင်နဲ့ နေရာ ၃ နေရာ ယူပြီး မင်းတပ်မြို့ခံပြည်သူများကို လက်နက်ကြီးများဖြင့်ပစ်ခတ်တိုက်ခတ်မှုကြောင့် မင်းတပ်ဒေသခံ လူငယ် ၄ ဦးအထိ ကျဆုံးကာ လူငယ်တချို့ထိခိုက်ဒဏ်ရာရကြောင်းဒေသခံများထံမှသိရသည်။
ယမန်နေ့နှင့်ယနေ့တွင်ကျောက်ထုမြို့မှမင်းတပ်မြို့သို့စစ်ရဟတ်ယာဥ်ဖြင့် အခေါက် ၃၀ ခန့် မင်းတပ်မြို့တွင်းမှာ စစ်သားအင်အားအများအပြားနှင့် စစ်လက်နက်များ ချထားခဲ့ကြောင်း သိရပါသည်။
စစ်ကောင်စီ ဘက်မှ မင်းတပ်မြို့ထဲတွေ့သမျှ အမျိုးသားဖြစ်သူတိုင်း ဖမ်းဆီးကြပြီး နေအိမ်ထဲအထိ သူတို့မှ လိုက်ပြီး ဖမ်းဆီး ခဲ့ကြောင်းသိရသည်။ ၄င်းတို့ ဖမ်းဆီးထားသော လူငယ် ၁၅ ဦးခန့်ကို ရှေ့တန်းမှာ ထား၍ သွားခိုင်းခဲ့ကြောင်းလည်းသိရသည်။
စစ်ကောင်စီတပ်ဖွဲ့မှကျောက်ထုဘက်မှဆက်တိုက်ပစ်ခတ်ခဲ့ကြောင်းလည်းသိရသည်။ လက်နက်ကြီးတွေ သုံးပြီး Sniper ကို အသုံးပြုပြီး မြို့ထဲရှိ ပြည်သူများကိုလည်း ပစ်ခတ်ကြောင်းသိရသည်။
အချို့သော မင်းတပ်ဒေသခံများမှာလည်း ဒဏ်ရာရရှိကြပြီး ဆေးကုသဖို့ အဆင်မပြေကြောင်း သိရသည်။ မင်းတပ်ဒေသခံအမျိုးသမီးနှင့် ကလေးငယ်များမှာလည်း
ကိုယ်လွတ်ရာနေရာ များတွင် တိမ်းရှောင်ကြကြောင်းသိရသည်။
ယနေ့ မေလ ၁၅ ရက်နေ့အထိ CDF မင်းတပ် ဘက်မှ သေဆုံးသူ ၄ ဦး နှင့်ဒဏ်ရာရသူအချို့ ရှိကြောင်း ယနေ့ည ၈ နာရီခွဲခန့်အထိ မင်းတပ်မြို့ထဲလက်နက်ကြီးပေါက်ကွဲသံတချို့ကြားရကြောင်းသိရသည်။
Chin World
No comments:
Post a Comment