စစ်ကောင်စီ ဂျက်လေယာဉ်နှစ်စင်းမှ ပစ်ချသည့် လေယာဥ်ဗုံးများ ရွှေကူနှင့် ကသာမြို့နယ်ရှိ ကျေးရွာများအနီးကျရောက်ပေါက်ကွဲ
31 May 2021 - Kachinwaves
စစ်ကောင်စီ၏ ဂျက်လေယာဉ်နှစ်စင်းမှ ပစ်ချသည့် လေယာဥ်ဗုံးများ ကျေးရွာများအနီးကျရောက်ပေါက်ကွဲခဲ့ကြောင်း သတင်းရရှိသည်။
ယနေ့ ညနေ ၅နာရီခန့်အချိန်၌ စစ်ကောင်စီ၏ ဂျက်လေယာဥ်နှစ်စင်းပေါ်မှ ပစ်ချခဲ့သော ဗုံးများသည် ရွှေကူမြို့နယ်ရှိ ဧရာဝတီမြစ်အနီး မင်းကျောင်းကုန်းနှင့် သာယာကုန်းကျေးရွာကြားတွင် တစ်လုံး၊ ကျောက်ကြီးရွာအနီးတစ်လုံးနှင့် ကသာမြို့နယ် မိုးတားရွာအနီး၌ ၂လုံး၊ ရွှေပြည်သစ်ကျေးရွာရှိ သရက်သီးခြံတစ်ခြံ၌ ၂လုံး ပစ်ချခဲ့ကြောင်း ဒေသခံများထံမှ သိရသည်။
ပစ်ချခဲ့သော လေယာဥ်ဗုံးများမှ ကျောက်ကြီးရွာအနီးကျသည့် ဗုံးတစ်လုံးသည် ပေါက်ကွဲခြင်း မရှိခဲ့ကြောင်း သိရသည်။ ယနေ့ ပစ်ချခဲ့သည့် လေယာဥ်ဗုံးများကြောင့် ထိခိုက်မှု ရှိမရှိသတင်းများကို မသိရသေးပါ။
စစ်ကိုင်းတိုင်း ကသာမြို့နယ် ရွှေပြည်သစ်ကျေးရွာဘက်တွင် ဒေသ PDF တပ်ဖွဲ့နှင့် စစ်ကောင်စီတပ်တို့ ယမန်နေ့ တိုက်ပွဲ ဖြစ်ခဲ့ရာ စစ်ကောင်စီဘက်သေဆုံးသူနှင့် ဒဏ်ရာရသူများရှိခဲ့သည်။ ယမန်နေ့ တိုက်ပွဲတွင် KIA မှ ကသာ PDF ဘက်မှ ဝင်တိုက်ကူခဲ့သည်ဟုလည်း သတင်းများတွင် ဖော်ပြထားသည်။
Kachinwaves
Reviewed by THITHTOOLWIN
on
22:20
Rating:
No comments:
Post a Comment