တရုတ်နယ်စပ် မူဆယ်မြို့အနီး တိုက်ခိုက်မှုဖြစ်ပွား



Share/Bookmark
တရုတ်-မြန်မာနယ်စပ် မူဆယ်မြို့ နယ်စပ်ဝင်ပေါက်ဂိတ်။ (ဇန်နဝါရီ ၁၂၊ ၂၀၁၉)

မြန်မာ အာဏာသိမ်းစစ်ကောင်စီ တပ်ဖွဲ့တွေနဲ့ တိုင်းရင်းသားလက်နက်ကိုင် ညွန့်ပေါင်းအဖွဲ့တွေအကြား တနင်္ဂနွေနေ့မနက် အစောပိုင်းက တရုတ်-မြန်မာနယ်စပ် မူဆယ်မြို့အနီးမှာ တိုက်ပွဲဖြစ်ပွားခဲ့ကြောင်း ရိုက်တာသတင်းမှာ ဖော်ပြထားပါတယ်။

မြန်မာနိုင်ငံမှာ စစ်တပ်က အာဏာသိမ်းတာကို ဆန့်ကျင်ကန့်ကွက်မှုတွေ နိုင်ငံတဝန်း ဖြစ်ပေါ်ခဲ့တာမှာ စစ်ကောင်စီဘက်က အကြမ်းဖက် ဖြိုခွဲမှုတွေ ရှိခဲ့ပြီးတဲ့နောက် နိုင်ငံအတွင်းက မြို့အတော်များများမှာ ပေါက်ကွဲမှုတွေ၊ မီးရှို့မှုတွေအပြင် တိုင်းရင်းသား လက်နက်ကိုင်အဖွဲ့တွေနဲ့ ပစ်ခတ်တိုက်ခိုက်မှုတွေလည်း ဖြစ်ပေါ်နေတာပါ။

တရုတ်နဲ့ နယ်စပ်ကုန်သွယ်ရေးမှာ အရေးပါတဲ့ ရှမ်းပြည်နယ်၊ မူဆယ်မြို့မှာ ဒီကနေ့ဖြစ်သွားတဲ့ တိုက်ပွဲအပြင် အရင်ကလည်း စစ်ကောင်စီတပ်တွေနဲ့ တိုင်းရင်းသား လက်နက်ကိုင်အဖွဲ့တွေအပြင် တိုင်းရင်းသား လက်နက်ကိုင်အဖွဲ့တွေ အချင်းချင်းကြားလည်း မကြာခန တိုက်ပွဲဖြစ်ပွားလေ့ ရှိပါတယ်။

ပြည်တွင်း သတင်းမီဒီယာတချို့မှာ ကျည်ဆန်မှန်ထားတဲ့ ကားတွေကို ဖော်ပြထားကြောင်း ရိုက်တာသတင်းမှာ ကိုးကား ဖော်ပြထားပေမယ့် ထိခိုက်သေဆုံးမှု သတင်းတော့ မသိရသေးဘူးလို့ ဆိုပါတယ်။

ဒီတိုက်ခိုက်မှုမှာ တိုင်းရင်းသား လက်နက်ကိုင်အဖွဲ့တွေထဲက ဘယ်အဖွဲ့တွေ ပါဝင်တယ် ဆိုတာလည်း အခုချိန်ထိ မသိရသေးပါဘူး။


ဗွီအိုအေ (မြန်မာပိုင်း)

https://burmese.voanews.com/a/myanmar-army-ethnic-armed-group-fighting-in-muse/5901073.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ