May 22 - Kachinwaves
စစ်ကိုင်းတိုင်းခန္တီးတွင် ယနေ့နံနက် ၄နာရီခန့်က စစ်ကောင်စီလက်နက်ကိုင်များရှိသည့် နေရာနှစ်ခုကို ကေအိုင်အေမှ တိုက်ခိုက်ကာ မီးရိူ့ပေးလိုက်ကြောင်း သတင်းရရှိသည်။
မကျန်ခကျေးရွာ ရဲကင်းတပ်စခန်းနှင့် နမ့်စီဘွမ်ကျေးရွာရှိ ရဲကင်းတပ်စခန်းတို့ကို ကေအိုင်အေမှ မီးရှို့ဖျက်ဆီးပေးလိုက်ပြီးနောက် စစ်ကောင်စီလက်နက်တပ်များမှ လေယာဥ်များဖြင့် လာရောက် ပစ်ခတ်ခဲ့ကြောင်း ကေအိုင်အေ အရာရှိတစ်ဦးက ပြောသည်။
"စစ်တပ်နဲ့ ရဲတွေ ပေါင်းနေတဲ့ နေရာပေါ့ ဟိုဘက်တောင် ဒီဘက်တောင်ပေါ့ နှစ်နေရာစလုံး မီးရှို့ပေးလိုက်တာပေါ့ သူတို့ ထွက်ပြေးသွားတယ်။ သူတို့ ထွက်ပြေးပြီးနောက်မှာ လေယာဥ်လေးစီးနဲ့ လာပစ်တယ်။ အခုတော့ ကေအိုင်အေ ဘက်ကလည်း ပြန်သွားပြီ။"ဟု ကေအိုင်အေ အရာရှိတစ်ဦးက ပြောသည်။
စစ်ကောင်စီလက်နက်ကိုင်တပ်များ ရှိနေသည့်နေရာသည် စစ်တပ်ပိုင် မြန်မာ့စီးပွားရေးဦးပိုင်ကုမ္ပဏီနေရာဖြစ်ပြီး ၎င်းကုမ္ပဏီနေရာအတွင်း ရောက်ရှိနေထိုင်နေသည့်အချိန် ကေအိုင်အေမှ ဖျက်ဆီးပေးခဲ့ခြင်းဖြစ်သည်။
Kachinwaves
Reviewed by THITHTOOLWIN
on
20:51
Rating:
No comments:
Post a Comment